Albistea entzun

Afganistan

Aiman al-Zawahiri Al-Qaedako burua hil dute AEBek, drone batez eraso eginda

Kabulen hil dute Osama Bin Ladenen lekukoa hartu zuen gizona. 71 urte zituen.

Al-Zawhiri, 2004ko argazki batean.
Al-Zawhiri, 2004ko argazki batean. EFE/ Ho / Al Jazeera Tamaina handiagoan ikusi

Edu Lartzanguren -

2022ko abuztuak 2 09:20

Joe Biden Ameriketako Estatu Batuetako presidenteak baieztatu duenez, CIAk Aiman al-Zawahiri hil du, Kabulen. Al-Qaeda erakundeko burua drone batetik jaurtitako misilekin hil zuten igandean, Afganistango hiriburuko etxe bateko balkoian zegoela. Bilatuenen zerrendan zeukan Washingtonek aspalditik.

Al-Zawahiriri 2001eko irailaren 11ko erasoak agintzea eta prestatzea leporatzen zioten AEBek. Osama Bin Ladenen bigarrena zen orduan, eta, gero, erakundearen buruzagitza bere gain hartu zuen, 2011n, AEBek Bin Laden hil zutenean.

Washingtonen arabera, Kabulen ezkutatuta bizi zen Al-Zawahiri, haren familiarekin. Senideekin zegoen hil zutenean. Bi misil Hellfire jaurti zizkioten, baina, Etxe Zuriaren arabera, beste inork ez zuen minik hartu erasoan.

71 urte zituen Al-Zawahirik. Bidenek esan duenez, hilabeteak behar izan dituzte haren kontrako erasoa prestatzeko. «Orain, justizia egin da, eta buruzagi terrorista hau iragana da». 2001eko erasoen 3.000 biktima ingururentzat, honek atal hura itxiko duela gaineratu du. «Ez du axola zenbat denbora behar den, ez du axola non ezkutatzen zaren; gure jendearentzat mehatxua bazara, AEBek aurkituko zaituzte, eta akabatuko zaituzte».

Talibanak agintean dira Afganistanen, joan zen udan AEBek tropak herrialde hartatik ateratzea erabaki zutenetik. Talibanen eledun batek esan du igandeko erasoak nazioarteko printzipioak bortxatzen dituela.

Hogei urtez okupatu zuten estatubatuarrek Afganistan. 2020. urtean sinaturiko bake itun baten arabera, talibanek hitzeman zuten ez ziotela aterperik emango Al-Qaedari. Iazko abuztutik, lehenengo aldiz egin dute drone bidezko eraso bat AEBek Afganistanen barrutik. Herrialdetik atera aurreko azken erasoan, hamar pertsona hil zituzten estatubatuarrek, huts eginiko eraso batean: gobernuz kanpoko erakunde bateko langile bat hil zuten, eta zazpi haur, besteak beste.

Al-Zawahiri Egipton jaio zen. Sendagilea zen, eta 1980ko hamarkadatik zebilen islamismoan militatzen. Espetxean egon zen Egipton, eta, askatu zutenean, herrialdetik alde egitea erabaki zuen, nazioarteko jihadismoan aritzeko, Bin Ladenekin batera.

Washingtonek hamar urte behar izan zituen Bin Laden aurkitzeko eta hura hiltzeko, eta beste horrenbeste haren ordezkoarekin gauza bera egiteko. Al-Zawahiri ezkutuan ibili da, eta oso gutxitan egin ditu adierazpenak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<b>Erantzuna.</b> Lore eskaintza, Bartzelonako Rambletan, 2017an. ©Q.G. / EFE

Erasoen osteko galdera gordinak

Gorka Berasategi Otamendi

Bartzelonako eta Cambrilseko atentatuek ezin ulertua eragin zuten, egileak gizartean «integratuta» zeuden gazte batzuk zirelako. 16 hildako eta 140 zauritu utzi zituzten.
«Eskoletan egiten ari dena ez da prebentzioa, antiterrorismoa da»

Ikatza baliatzen duen argindar fabrika bat, iaz, Dattelnen, Alemanian. ©FRIEDEMANN VOGEL / EFE

Karbono isuriak pandemia aurreko mailara heldu dira ia Europan

Arantxa Elizegi Egilegor

Aurtengo lehen lauhilekoan %6 handitu dira CO2 isurketak, iazko epe berarekin alderatuta. Bakarrik Finlandiak eta Norvegiak lortu dute isurketak murriztea. Bulgarian izan da igoera handiena: %38koa

 ©BERRIA

«Eskoletan egiten ari dena ez da prebentzioa, antiterrorismoa da»

Gorka Berasategi Otamendi

Erradikalizazio prozesua askotariko faktoreen uztartze bat da, Vidalen iritziz. Ohartarazi du nazioarteko politikek ere zuzeneko eragina dutela indarkeria jihadistaren indartzean.
Lula aurretik dela hasi dute Brasilgo bozetarako kanpaina

Lula aurretik dela hasi dute Brasilgo bozetarako kanpaina

Lide Iraola

Inkesten arabera, botoen %44 eskuratuko lituzke Langileen Alderdiko hautagaiak. Urrian egingo dituzte presidentetzarako hauteskundeak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...