Aurkitu dute astelehenean Maulen galdu zen 84 urteko gizonaren hilotza. Larrialdi zerbitzuak lanean ibili ziren atzo, eta arratsaldean aurkitu zuten gizona. Aurrez, gizonaren bizikleta Ühaitza ibaiaren bazterrean topatu zuten; handik metro gutxira zegoen gizona, hilda.
Herenegundik ez zegoen haren berririk. Bizikletaz txango bat egitera atera zen, baina ez zen etxera itzuli. Suhiltzaileak, poliziak, helikoptero bat eta urpekariak mobilizatu ziren bilaketa lanetan.
