Albistea entzun

Bilboko Aste Nagusia

Bilboko Aste Nagusiak baditu pregoilaria eta txupinera

Bilboko konpartsek eta udalak aurtengo Aste Nagusirako pregoilaria eta txupinera aurkeztu dituzte: Itziar Lazkano eta Iratxe Palacios.

Itziar Lazkano eta Iratxe Palacios, gaur, Bilboko Udaletxeko aurkezpenean.
Itziar Lazkano eta Iratxe Palacios, gaur, Bilboko Udaletxeko aurkezpenean. Marisol Ramiez / FOKU Tamaina handiagoan ikusi

Mikel Garcia Martikorena -

2022ko abuztuak 4

Bilboko Aste Nagusian pregoilari eta txupinera lanetan ibiliko diren bi emakumeak aurkeztu dituzte gaur Bilboko Udaletxean. Bertan, aurtengo pregoilariaz eta txupineraz gain, Itziar Urtasun Bilboko Udaleko jai zinegotzia eta Bilboko Konpartsen bozeramaile Garazi Askasibar egon dira. Itziar Lazkano Setien Vaya Semanita telesaileko aktorea izango da pregoilaria. Haren hitzek emango diote hasiera Aste Nagusiari, abuztuaren 20an, 19:00ak aldera. Aste Nagusia hiriarekin batera hazi dela azpimarratu du Portugaleteko aktoreak: «Bilboko jaietara bertaratzen diren denak protagonista sentitzen dira, eta, horregatik, pregoilari izatea ohorea da».

Txupineraren lanaren arduraduna Iratxe Palacios Gana izango da, Deustuko Tintigorri konpartsako kidea: «Euskaldun berria naiz, eta gustatuko litzaidake jaiak euskaraz eta gazteleraz izatea». Suziriaz arduratu behar zela iragarri ziotenean «beldurra» izan zuela aitortu du, baina denbora igaro ahala «gogotsu» sentituz joan dela. Azken bi urteak «oso gogorrak» izan direnez bilbotarrek egun hauek «behar» dituztela adierazi du Tintigorriko kideak.

Biek errespetuzko jai batzuen alde egin dute, eta edozein motatako erasoak arbuiatu dituzte. Palaciosek, gainera, Aste Nagusira gonbidatu ditu herritarrak, eta azpimarratu du konpartsetan erasoen aurka egiteko prest daudela: «Txosnetan babesleku bat eskainiko zaio behar duenari».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Edonork egin dezake eskrima»

Joseba Arratibel Ladron

Otaegik 34 urte daramatza eskrima praktikatzen, eta 22 urte Fortuna kirol elkartean eskrima irakasten. Bihar eta etzi, gainera, eskrima saioak eskainiko dituzte Donostiako Katalunia plazan.
2 ©JON URBE / ARGAZKI PRESS

Handituz joan den olatua

Amaia Jimenez Larrea

Donostiako Piratek hogei urte bete dituzte aurten. 2002an, hiriko gazte batzuk, «zezenketen, su festen eta izozkien» jaiak alde batera utzita eta beste eredu baten bila, eztabaida sortzen hasi ziren. Abordatzea izan zen eztabaida sortzeko egitasmoa, eta gaur egun festen ekitaldi nagusia da.

Kilometro Lezoko ikusleak, iaz, emanaldi batean. ©LEZOKO UDALA

Nobedadeak Kilometro Lezon

Joseba Arratibel Ladron

Datozen hiru asteburuetan, Kilometro Lezoren hirugarren aldia egingo dute. Dantza emanaldiez, zirkuaz, antzerkiez eta musikaz gozatzeko aukera egongo da

Jendetza bildu ohi da festen hasieran Laudion. ©LAUDIOKO UDALA

Dantzaz beteriko festak

Maixa Utrera Puelles

Martxan dira Laudioko San Roke jaiak, Jabier Artetak txupinazoa bota eta agurra irakurri ostean. Bi txandatan egingo dituzte jaiak: lehen txanda, bihar arte; ondoren, hilaren 24tik 28ra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.