Albistea entzun

GERRA UKRAINAN

Zerealen auzian bitartekari aritzea eskertu dio Putinek Erdogani

Turkiako presidenteak adierazi du Ankararen ikuspuntutik Errusiak «rol berezi bat» duela munduan. Laborez beteriko beste hiru zamaontzi atera dira Txornomorskeko portutik

Erdogan eta Putin, gaur, Sotxin, bilera hasi aurretik.
Erdogan eta Putin, gaur, Sotxin, bilera hasi aurretik. EFE Tamaina handiagoan ikusi

Igor Susaeta -

2022ko abuztuak 5

Vladimir Putin Errusiako presidenteak eskerrak eman dizkio, gaur, Recep Tayyip Erdogan Turkiakoari, Ukrainako zerealak eta Errusiako elikagaiak zein ongarriak atzera Itsaso Beltzetik barrena komertzializatzeko Errusiak, Ukrainak, Turkiak eta NBE Nazio Batuen Erakundeak sinatutako akordioan «rol zuzena» eduki duela iritzita. Bi agintariak Sotxin (Errusia), Itsaso Beltzeko kostaldean, batzartu dira. «Zure parte hartzearekin eta NBEko idazkaritzarenarekin konpondu da arazoa», esan dio Kremlineko buruak Erdogani.

Azken hilean bi aldiz hitz egin dute aurrez aurre, uztailaren 19an Teheranen batzartu baitziren. Putinek adierazi dio ituna «oso garrantzitsua» dela, kontuan hartuta joan den otsailaren 24an Errusiak Ukrainako inbasioa hasi zuenetik bost hilabetez ezin izan dutela zerealik garraiatu Itsaso Beltzetik Kremlinek ezarritako blokeoaren ondorioz, eta horrek munduko elikagai krisia areagotu duela.

Zenbait komunikabidek Moskuko eta Ankarako iturriak aipatuz kaleratu dutenez, Siriako gerraz ere hitz egitekoak dira —han ez dituzte interes berak—, baita harreman ekonomiko-komertzialei buruzko txosten bat sinatzekoak ere. Putinek nabarmendu du, gainera, «Europako bazkideek» Erdogani «eskertuta» egon beharko luketeela, Turkish Stream gasbideak «bermatzen» duelako Errusiako gasa «modu jariakor batean» iristea «Europako merkatura». Itsaso Beltza zeharkatzen du gasbide horrek, eta, Putinen esanetan, beren hidrokarburuak garraiatzeko gainontzeko bideek ez bezala, «primeran» funtzionatzen du. Erdoganek azpimarratu du, bestalde, Turkiaren ikuspuntutik Errusiak «rol berezi bat» duela munduan.

Eta zerealen auziari loturiko akordioarekin lotuta, Kievek jakinarazi du laborez beteriko hiru zamaontziko konboi bat atera dela, gaur, Txornomorskeko portutik (Ukraina). Aldeek joan den uztailaren 22an akordioa sinatu zutenetik, Itsaso Beltzean zehaztu duten korridoretik egindako bigarren operazioa da.

Ankarak zehaztu duenez, Navistar ontziak Panamako bandera du eta 33.000 tona arto daramatza Irlandara. Rojen-ek Maltako bandera du, eta Erresuma Batura bidean da 13.000 tona artorekin. Polarnet-ek ere artoa darama —12.000 tona—, Turkiako bandera du, eta herrialde horretako portu batera doa: Karasura.

Ukrainan 22 milioi tona zereal pilatuta gelditu ziren, eta, blokeoa altxatu ondoren, joan den astelehenean abiatu zen lehen ontzia, Razoni izenekoa. Etzi da Libanoko Tripoli hiriko portura iristekoa.

Bide batez, eta akordioak jasotakoari erreparatuz, Txornomorskerantz abiatu behar duen zamaontzi huts bat ikuskatzen hasi dira, gaur, Istanbulen, Turkiako funtzionarioak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Taiwango armadaren maniobra militarrak, atzo, Pingtung eskualdean. ©RITCHIE B. TONGO / EFE

Probokazio akusazioak jaurtika

Iosu Alberdi

Taiwanek maniobra militarrak hasi ditu uhartearen hegoaldean, eta Txinak eutsi egin die bereei. Nancy Pelosik uste du bere bidaiak «merezi» izan duela

Donald Trump AEBetako presidente ohia, Alderdi Errepublikanoaren ekitaldi batean. ©SHAWN THEW / EFE

Trumpen zerga aitorpenak aztertzeko baimena du Ordezkarien Ganberak

Gorka Berasategi Otamendi

Pompeoren eta Mastrianoren urtarrilaren 6ari buruzko deklarazioek ikusmina piztu dute
Soldadu israeldarrak gazte bat miatzen, atzo, Hebronen. ©ABED AL HASHLAMOUN / EFE

Al-Fatahren adar armatuko bi kide eta adingabe bat hil ditu Israelek

Arantxa Elizegi Egilegor

Estatu indarrek sarekada bat egin dute Nablusen. Gutxienez 40 lagun zauritu dira liskarretan
Polizia, bart, Donald Trumpen etxearen kanpoaldean (Palm Beach, Florida, AEBak). ©Jim Rassol / EFE

FBIk Donald Trumpen etxea miatu du

Paulo Ostolaza

AEBetako presidente ohiak dokumentu klasifikatuen erabilera okerra egin ote duen ikertzen ari da Ikerketa Bulego Federala. Trumpi hiru urte arteko zigorra jar diezaiokete, dokumentu federalak ezkutatu dituela frogatzen bada.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...