Albistea entzun

Lan istripuak

Errenteriako eta Elgoibarko lan heriotzak salatu dituzte sindikatuek

ELA, LAB, ESK, Steilas, EHNE eta Hiru Errenterian bildu dira. Salatu dute lan heriotzek ez dutela «etenik».

Sindikatuen elkarretaratzea Errenterian, lan heriotzak salatzeko.
Sindikatuen elkarretaratzea Errenterian, lan heriotzak salatzeko. LAB Tamaina handiagoan ikusi

Julen Otaegi Leonet -

2022ko abuztuak 10

Azken egunotan bi behargin hil dira lan istripuz, eta sindikatuek langileok oroitu eta heriotzok gaitzetsi dituzte gaur eguerdian, Errenteriako (Gipuzkoa) Udal plazan. ELA, LAB, ESK, Steilas, EHNE eta Hiru bildu dira han, Lan-istripu gehiagorik ez. Prekaritatea hiltzailea lelopean. «Lan heriotzek ez dute etenik», salatu dute sindikatuek. Horiek egindako zenbaketaren arabera, Euskal Herrian jada 49 behargin hil dira lanean ari zirela.

Elkarretaratuek enpresei leporatu diete langileen segurtasuna eta osasuna «ahaztu» egiten dituztela. Administrazio publikoei ere erantzukizuna eskatu die: «Non daude Osalan eta Lan Ikuskaritza? Zer dio Eusko Jaurlaritzak ardura berea izanik? Beti bezala, ezer ez», galdetu du LABeko lan osasuneko arduradun Inko Iriartek. ELAk ohar bidez adierazi duenez, administrazioak «mota guztietako irregulartasunak baimentzen ditu, inongo jarraipen zein kontrolik gabe».

Lehen langilea, 49 urteko eraikuntza langile bat, herenegun hil zen Errenterian, aldamioko igogailuaren zulotik erorita. Bigarrena, 61 urteko garraiolari bat, errepide istripu batean hil zen Elgoibarren (Gipuzkoa). Kamioia A-8 autobidetik irten eta N-634 errepidera erori zen. Bi zihoazen kabina barruan: kopilotua hilda aurkitu zuten suhiltzaileek, eta gidaria larri eraman zuten Donostia ospitalera.

Jaurlaritzaren erantzuna

Arantxa Tapia Ekonomiaren Garapen, Jasangarritasun eta Ingurumeneko sailburuak lan heriotzez jarduteko tartea izan du Radio Euskadin. «Agian protokolo batzuk hobetu behar direla? Beharbada beharrezkoa da, baina enpresaren aldetik ere bai; ez dezagun ikuskaritzaren partea soilik ikusi». Haren arabera, lan osasuna bermatzeko neurriak ezarri behar dira, baita «kontzientziazio pertsonala» lortu ere. «Ikuskaritza bai, baina kontzientziazioa eta lanketa arlo bakoitzean», erantsi du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Urkullu Ingeteameko buruekin. ©BERRIA
Amiantoaren biktimen protesta, 2021ean, Espainiako Gorteen aurrean. ©Juan Carlos Hidalgo / Efe

Amiantoaren biktimen funtsa sortu dute, eskatu eta 11 urtera

Iker Aranburu

Eusko Legebiltzarraren eskaerari azkenean baiezkoa eman diote Espainiako Gorteek. Hasiera batean 25 milioi izango ditu funtsak

Abdulaziz bin Salman al-Saud Saudi Arabiako Energia ministroa, asteazken honetan Vienan eginiko bileran ©CHRISTIAN BRUNA (Efe)

LPEE Moskurekin lerrokatu da eta petrolio ekoizpena murriztuko du

Jokin Sagarzazu - Iker Aranburu

Erabaki «tekniko» bat dela argudiatu du taldeak, motelaldi ekonomikoak prezioan izan dezakeen eragina txikitzeko. Bi milioi upel gutxiago ekoiztuko dituzte, munduko produkzioaren %2 inguru

Petroliontzi bat San Petersburgon., ©Anatoli Maltsev / Efe

Errusiako petrolioaren prezioari muga bat jarriko dio EBk

Iker Aranburu

Saudi Arabiak, Errusiak eta LPEE+ taldeko ekoizleek bi milioi upel gutxiago merkaturatuko dituzte, salneurria igotzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...