Erasoa

Etxean egindako lehergailu bat aurkitu dute Donapaleun

Banketxe eta etxe agentzia baten atarian zegoen jarrita. Indargabetu egin du Poliziak.

2007ko ekainaren 29a
12:29
Entzun
Etxean egindako lehergailu bat indargabetu du gaur goizean Frantziako Poliziak Donapaleun (Nafarroa Beherea). Lehergailua banketxe eta etxe agentzia baten atarian zegoen jarrita, polizia iturriek esan dutenez. Haien arabera, gas bonbona txiki bat zen, lehergaiekin, eta bizilagun batek eman die abisua.

Azken hilabeteetan Ipar Euskal Herrian indar txikiko hainbat bonba jarri dituzte ezezagun batzuek etxe agentzien, alderdi politikoen egoitzen edota banketxeen kontra; ez dira denak lehertu. Azkena, lehengo igandean, Hiriburun (Lapurdi), etxe agentzia baten aurka, eta kalte materialak sortu zituen.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.