700 kilo marihuana aurkitu zituen Ertzaintzak joan den ostegunean, Abantoko (Bizkaia) pista batean, bide ertzean botata. Poliziak azaldu duenez, urbanizazio baten inguruan ibilgailu bati susmoa hartu, eta ingurura joan ziren ertzainak. Orduan atzeman zuten kalamua, pista batean, poltsa eta kutxa batzuetan sartuta.
Ertzaintzak azaldu duenez, «ziurrenik» poliziak hurbil sumatu zutelako erabaki zuten susmagarriek marihuana bertan utzi eta alde egitea. Atzemandako marihuanak merkatuan bi miloi euro balioko lukeela zehaztu dute. Atxiloturik ez dago, baina gertatutakoa ikertzen ari direla gaineratu dute.