Albistea entzun

AEB

FBIk sekretupeko dokumentuak eraman ditu Trumpen Mar-a-Lago etxetik

AEBetako presidente ohia ikerketapean dago, ustez espioitza legea urratzeagatik. Floridako etxean atzeman dioten dokumentazioaren edukia defentsa arloko gaiekin lotuta dago, besteak beste.

FBIko bi agente Donald Trumpen Mar-a-Lago etxearen atarian (Palm Beach, Florida), joan den asteartean.
FBIko bi agente Donald Trumpen Mar-a-Lago etxearen atarian (Palm Beach, Florida), joan den asteartean. CRISTOBAL HERRERA-ULAXKEVITX/EFE Tamaina handiagoan ikusi

Gorka Berasategi Otamendi -

2022ko abuztuak 13

FBI Ikerketa Bulego Federala Donald Trump AEBetako presidente ohiaren Mar-a-Lago luxuzko etxera (Palm Beach, Florida) sartu zen joan den astelehenean. Agintari ohia ikerketapean da, ustez espioitza legea urratzeagatik, eta agente federalek sekretupeko hainbat dokumentu sorta atzeman zituzten Trumpen etxean. Hala jakin zen atzo gauean, ikerketaren arduradun den epaileak miaketa egiteko baimena publiko egin zuenean.

Dokumentu horrek zerrendatzen du FBIk Mar-a-Lagotik eraman duen materiala: hogei kutxa baino gehiago guztira, argazki koadernoak, eskuz idatzitako ohar bat, «Frantziako presidentearekin» lotutako informazioa eta sekretupeko zenbait dokumentu sorta, besteak beste.

Miaketa baimenak jasotzen du FBI gisa horretako materialaren bila sartu zela Trumpen etxera, espioitza legea urratu izanaren proben bila. Lege horrek debekatu egiten du segurtasun nazionalerako arriskutsua den informazioa dagokion tokitik kanpo gordetzea edota transmititzea. Trumpek delitu horiengatik ezar daitezkeen kondenak gogortu zituen bere agintaldian; bost urterainoko espetxearekin zigor daitezke.

Epaileak dokumentuan argitzen du miaketa etxeko «45 bulegoa» delakora eta biltegietara mugatu zela, baina FBIk ez zituela miatu gonbidatuentzako eremuak.

Ez da ohikoa izaten ikerketa bat abian den artean epaile batek miaketari buruzko xehetasunak publiko egitea, baina AEBetako Justizia Departamentuak hala egiteko eskatu zuen joan den asteazkenean, albisteak eragin zuen harrabotsagatik.

Trumpek txalotu egin du miaketa baimena publiko egin izana, eta ukatu egin du sekretupeko dokumentazioa bere etxean gorde duenik. Azaldu duenez, informazio hori desklasifikatu egin zuen oraindik presidente karguan zegoenean.

Alderdi Errepublikanoan gaiari buruz mintzatu diren ahotsek presidente ohia babestu dute auzian, eta haren hurbileneko aliatuek salatu dute ikerketaren atzean arrazoi politikoak daudela. Finean, Trumpi 2024an presidentetzarako hauteskundeetara aurkeztea galarazi nahi diotela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manifestari bat, hautetsontzi erraldoi bat garraiatzen, atzo, Bartzelonan, urriaren 1eko erreferendumaren bosgarren urteurreneko ekitaldian. ©ENRIC FONTCUBERTA / EFE

Independentisten frustrazioa plazaratu du U-1aren urteurrenak

Gorka Berasategi Otamendi

Puigdemontek U-1aren «agindu demokratikoa» betetzeko eskatu dio Aragonesi. Bete ezean, prozesua gidatzeko zilegitasuna aldarrikatu du. Forcadelli eta Rovirari txistu egin diete ekitaldian

Lularen jarraitzaileak, «Lula da irtenbidea» dioen kartel batekin. ©BRUNO ZANARDO / EFE

BI EREDU KONTRAJARRI

Arantxa Elizegi Egilegor

Elkarrengandik ezin urrunago dauden bi indar dira Luiz Inacio da Silva 'Lula' eta Jair Bolsonaro. Zentro-ezkerrean bata eta eskuin muturrean bestea, aurrez aurre egongo dira gaur Brasilen egingo dituzten presidentetzarako bozetan.
Emakume beltz bat haur batekin jolasten. ©BERRIA

Dena edo ezer ez

Cecilia Valdez

Emakume beltzak gutxiengoa dira Brasilgo Kongresuan, baina gehiengoa pobreziaren, desberdintasunaren, bazterketaren eta errepresioaren inguruko datuetan. Lularen garaipena beren eskubideak hobetzeko aukeratzat daukate.
 ©DANI CODINA

«Akordio bat behar dugu boterea nola ezarri argitzeko»

Gorka Berasategi Otamendi

Kataluniako Errepublikaren Kontseiluko kidearen esanetan, erreferendumaren bosgarren urteurreneko manifestazioaren helburua «herritarren mobilizazioa balioestea» izan da, eta gizartearen eta erakundeen arteko elkarlanari garrantzi estrategikoa aitortzea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...