Albistea entzun

Tximino baztanga

Tximino baztangaren 188 kasu atzeman dituzte Araban, Bizkaian eta Gipuzkoan

Gehienek sintoma kliniko «arinak» izan dituzte, eta gaixoei etxean bakartzeko agindu diete. Osakidetzak tximino baztangaren kontrako txertoaren 174 dosi jarri ditu orain arte.

Langile bat Imvanex txertoaren dosi bat prestatzen, Frantzian
Langile bat Imvanex txertoaren dosi bat prestatzen, Frantzian Christophe Petit Tesson / EFE Tamaina handiagoan ikusi

Oihane Puertas Ramirez -

2022ko abuztuak 19

Eusko Jaurlaritzako Osasun Sailak jakinarazi duenez, astebetean tximino baztangaren bost kasu atzeman dituzte Araban, Bizkaian eta Gipuzkoan. Hori horrela, Osakidetzak guztira 188 laguni diagnostikatu die infekzioa: 134ri Bizkaian, 36ri Gipuzkoan eta hemezortziri Araban. Horietatik 185 gizonezkoak dira, eta hiru emakumeak. Gaixo gehienek sintoma kliniko «arinak» izan dituzte, etxean bakartzeko agindu zaie, eta Osakidetza ari zaie jarraipena egiten.

Osakidetzak azaldu duenez, azken egunotan atzemandako kasuek ez dute lotura epidemiologikorik kanpoko beste kasu batzuekin: aurreko kasuen kontaktuak dira, edo azken asteotan identifikatutakoak. Egoera ikusita, Osasun Sailak herritarrei prebentziorako eta txertoa jartzeko deia egin die.

Araban, Bizkaian eta Gipuzkoan, abuztu hasieran hasi ziren tximino baztangaren kontrako txertoa jartzen. Orain arte 174 dosi jarri ditu Osakidetzak: 119 Bizkaian, 21 Araban, eta 34 Gipuzkoan. Txertaketa bigarren dosia jartzean osatuko da, eta bi txertoen artean gutxienez 28 eguneko tartea beharko da.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ezkerretik eskuinera: Otxandiano, Otegi, Aranburu eta Tobar bileraren osteko agerraldian, atzo, Donostian. ©ANDONI CANELLADA / FOKU

«Konfluentzia» nahi dute EH Bilduk eta LABek, publikoen eta ikastolen «onena» hartuta

Irati Urdalleta Lete

EH Bildu eta LAB hezkuntzaz aritzeko bildu dira. Aitortza egin diete sare publikoari eta ikastolei. Grebak aipatuta, esan dute bat egiten dutela langileen eskaerekin
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela
Euskarari eta teknologiari buruzko solasaldia, atzo, Donostian. ©MAIALEN ANDRES / FOKU

Puntako teknologia euskaraz

Isabel Jaurena

Hizkuntza gutxituak eta berrikuntza uztartzeari buruz jardun dute Donostian, Gipuzkoako Foru Aldundiak antolatuta. Euskaraz funtzionatzen duten zenbait gailu aurkeztu dituzte
Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...