Albistea entzun

UKRAINA

Pablo Gonzalezen familiak Espainiako Gobernuari eskatu dio auzian esku hartzeko

Oihana Goirienak, Gonzalezen bikotekideak, dei egin dio Pedro Sanchez presidenteari: «Poloniarekin hitz egin dezala, epaiketa justu bat bermatze aldera»

JAIZKI FONTANEDA/ FOKU
JAIZKI FONTANEDAFOKU Pablo Gonzalezen bikotekidea/Oihane Goiriena/Eusko Legebiltzarreko batzordean. Tamaina handiagoan ikusi

Ion Orzaiz -

2022ko abuztuak 20

Pablo Gonzalezen auzian «esku har dezala» galdegin dio Polonian atxilotutako kazetariaren familiak Espainiako Gobernuko presidente Pedro Sanchezi. Efe agentziak jasotako adierazpenetan, Oihana Goirienak, Gonzalezen bikotekideak, Espainiako gobernuburuari eskatu dio «bitartekari lana egin dezala», kazetariak «defentsa eta epaiketa justuak izanen dituela» bermatze aldera.

Atzo, Gonzalezen behin-behineko kartzelaldia luzatzea galdegin zuen Poloniako Delinkuentzia Antolatuaren eta Ustelkeriaren Arloko Fiskaltzak. Przemysl hiriko epaitegiak datorren asteartean erabakiko du eskaera onartu edo ez. Goirienak, baina, ez du esperantza handirik jarrita auzitegiaren erabakian: «Aurrekoetan ere, epaileak men egin die fiskaltzaren eskakizunei, eta, tamalez, hala izanen da oraingoan ere». Are: Goirienak gaineratu du fiskaltzaren eskaerak ez dituela ezustean harrapatu: «Hasieratik argi utzi zidaten, bai kontsulak bai Poloniako abokatuak, hala izan ohi dela. Polonian, sei hilabeteko behin-behineko espetxealdia ez da ezohikoa, ez dute uste epe luzea denik».

Hori dela eta, Espainiako presidenteari galdegin dio Poloniarekin hitz egin dezala: «Ez defentsako abokatu gisa, Pablok badu abokatu bat horretarako, baizik eta oinarrizko eskubideak berma diezazkioten, eta ziurtatzeko defentsa eta epaiketa prozesuak justuak izanen direla». Besteak beste, familiarekin hitz egiteko eta konfiantzazko abokatu bat izateko eskubideak aldarrikatu ditu Gonzalezen bikotekideak.

Honako hau, baina, ez da Espainiako Gobernuari eskaera hori egiten dioten lehen aldia: uztailean, Sanchezek Varsoviara egin beharreko bidaia ofizial baten harira, gauza bera galdegin zioten Espainiako presidenteari. Sanchezen erantzuna: Poloniako agintariek eta sistema judizialak Espainiako Gobernuaren «konfiantza osoa» dutela esatea.

Harremanak, gutun bidez

Radio Euskadi irratian eginiko elkarrizketan, Goirienak azaldu du familiak bide bakarra duela atxilotutako kazetariarekin hitz egiteko: gutun bidez. «Ezin dugu harekin zuzenean hitz egin. Ez dizkiote baimendu telefono deiak, ezta bisitak ere». Gainera, salatu du idatzizko komunikazioa «atzerapen handiarekin» iristen zaiela, «zentsuragatik»: «Aste honetan jaso ditugu azkenak, eta ekainekoak dira». Horietan, Gonzalezek senide eta lagunei esan die «ongi» dagoela osasunez, baina «triste»: «Harentzat gogorra da, sei hilabete daramatzalako familiarekin kontakturik izan gabe; ezin seme-alabak ikusi, ezin haiekin hitz egin...».

Otsailean atxilotu zuen Gonzalez, Ukrainako mugatik kilometro gutxira. Errusiako zerbitzu sekretuetako agente izatea leporatu zioten, eta, akusazio horren arabera, hamar urtera arteko kartzela zigorra ezar diezaiokete kazetariari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Aritzetako zerbitzugune batean bota dituzte hondakinak. ©MAIALEN ANDRES / FOKU

AP-8ko zaborrak urteetan bota dituzte Usurbilgo mendialde batean, baimenik gabe

Iñaki Petxarroman Jone Arruabarrena

Kontratuaren baldintzak ez betetzea, lan baldintzei eta naturari kalte egitea, eta azpikontratetan ezkutatzea egotzi die ELAk Bidelan osatzen duten Transitia eta Campezori
Zenbait aplikazio eta streaming plataforma, artxiboko irudi batean. ©BERRIA

Euskara, pantailetan lauso

Irati Urdalleta Lete

Euskara bazterrean dago pantailetan ere: esaterako, Pantailak Euskaraz taldeak emandako datuen arabera, streaming plataformetako 26.000 edukitatik %0,1 ere ez daude hizkuntza horretan. Eskatu du legez arautzeko euskarak pantailetan izan behar duen presentzia.
Bilbon eguerdian egindako manifestazioa jendetsua izan da. ©MARISOL RAMIREZ / FOKU

Sindikatuen arabera, hezkuntzako greban %60ko parte hartzea izan da

Irati Urdalleta Lete Gotzon Hermosilla

Jaurlaritzak, berriz, esan du irakasleen %35,2k egin dutela greba. Langileek hezkuntza legearen aurreproiektuaren kontra egin dute, eta «hezkuntza publiko, propio eta euskalduna» aldarrikatu

Mexikoko koral arrezifeak kaltetuta daude turismoarengatik (artxiboko irudia). ©OCEANUS

Lurraren %30 babestu behar litzateke naturaren onurei eusteko

Isabel Jaurena

Babestu beharreko «aktibo natural kritikoak» identifikatu dituzte Unai Pascualek parte hartu duen ikerketa batean. Ongizatean eragiten duten ekosistemak dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...