Albistea entzun

Arrauna

Oriok eta Urdaibaik irabazi dituzte Zarauzko Ikurrinak

Bigarren jardunaldian Hondarribia izan da onena bi ehunenengatik, baina bandera bermeotarrentzat izan da. Oriok aise eskuratu du garaipena gaurko jardunaldian ere.

Orio, atzo, Zarauzko Ikurrinan lehian.
Orio, atzo, Zarauzko Ikurrinan lehian. Oskar Matxin Edesa / Foku Tamaina handiagoan ikusi

Berria -

2022ko abuztuak 21 09:58

Bero bero dago Eusko Label liga. Eztabaida eragin zuen atzoko estropadak, eta, gaur, gorabehera handiko lehian bi ehunenen aldeak erabaki du eguneko irabazlea: Hondarribia. Bigarren, ordea, Urdaibai izan da, eta atzo lortutako hiru segundoren errentak balio izan dio Zarauzko Ikurrina irabazteko (bi jardunalditako onenak jasotzen du bandera).

Urdaibaik atzetik aurrerako lana egin behar izan du gaur. Txandako azkena zen lehen bi ziabogetan (bigarrenean, Donostiarrak zortzi segundoren tartea zuen Bou Bizkaia-rekiko), baina hirugarrengorako gerturatu da lehen postuetara. Atzean geratu da Orio, atzean geratu da Donostiarra, eta bi trainerurik indartsuenen artekoa bilakatu da lehia. Han, oso gutxigatik bada ere, Ama Guadalupekoa izan da indartsuena.

Emaitza horri esker, lehen postuari eutsi dio Urdaibaik. Sailkapen nagusian 172 puntu ditu, eta 169 Hondarribiak. Buruz buruko itxura hartzen ari da liga azken asteetan; Donostiarrak 163 puntu ditu, eta Oriok, atzerago, 148.

Gainontzekoen artean Kaiku izan da onena, eta bosgarren postua lortu du. Seigarren izan da Zierbena, zazpigarren Getaria, zortzigarren Santurtzi, bederatzigarren Lekittarra, hamargarren Cabo, hamaikagarren Ondarroa eta, azkena, Ares.

Sailkapenaren behealdean ere estua da lehia. Cabok, zortzigarrenak, 72 puntu ditu; Ondarroak 71 ditu; Santurtzik, 67; Lekittarrak, 63; eta Aresek, 45.

Orio, nagusitasunez

Euskotren Ligan, berriz, azkenaldiko berbera izan da joera: Oriok estropada ona egin du, eta alde handiarekin irabazi du Zarauzko Ikurrina. Gaurko jardunaldian ia zortzi segundo atera dizkio Donostiarrari, hura bigarren iritsi baita; hamahiru atera dizkio Arraun Lagunak taldeari, eta hamalau, berriz, Tolosaldeari.

Liga erabakita dago jada (joan den astean irabazi zuen Oriok), baina erabakitzeke zegoen zein izango zen kanporaketa jokatu beharko duen taldea, eta erabaki da: Tolosaldea izango da. Gaurko emaitzari esker, Donostiarrak 23 puntu bildu ditu sailkapen nagusian, eta Tolosaldeak, 20.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Rebellin CCC taldearekin lehiatu zen 2013 eta 2016 urteak bitartean. / ©BERRIA

Davide Rebellin hil da, kamioi batek harrapatuta

Jon Ordoñez Garmendia

Txapeldunorde izan zen 2004ko Munduko Txapelketan. Donostiako Klasikoa irabazi zuen 1997an. Urrian utzi zion profesionalki lehiatzeari, 30 urteren ondoren. 51 urte zituen.

 ©OSKAR MATXIN EDESA / FOKU

«Indartsu baino gehiago, fresko eta bizi hastea izan zen garrantzitsua»

Jon Ander De la Hoz

Hodei Ezpeletak bigarren aldiz irabazi du Euskadiko Herri Kirol Federazioak antolatutako Lehen Mailako Txapelketa. «Puntako aizkolarien falta» izan du hizpide: «Ez dut uste onena naizenik».
Tarmim Bin Hamad al-Thani Qatarko emirrak eta Tayyip Erdogan Turkiako presidenteak urrian egindako bilera. ©EFE

Malabarismo geopolitikoak

Kristina Berasain Tristan

Washingtonekin aliantza bat izateak Qatarri ez dio eragotzi haren etsai historikoekin ere harremanak izatea. Qatarrek bere ahalmen ekonomiko handian oinarritzen du eragin geopolitikoa.

Mexikoko selekzioko jokalariak,igandean, Argentinaren aurkako partidan, gol bat sartu zietenean. ©JOSE MENDEZ / EFE

Amildegiaren ertzera itsatsita

Beñat Mujika Telleria

Munduko Koparako sailkatzeko fasean, kritika ugari egin zizkioten Mexikori, eta Qatarren ez da ondo sentitu. Oraingoz ez du golik sartu, eta kanporatua izateko arrisku handia du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...