Joan den astean 838 koronabirus kasu positibo atzeman zituzten Araba, Bizkai eta Gipuzkoan, aurreko astean baino 127 gehiago, nahiz eta proba gehiago egin diren. 102 pertsona daude koronabirusarekin ospitaleratuta; horietako 97 gela arruntetan daude, aurreko astean baino sei gutxiago, eta beste bostak ZIUan (lau gutxiago).
Zortzi pertsona hil ziren joan den astean koronabirusarekin, aurreko astean baino zazpi gutxiago. 60 urtetik gorakoen taldean, 146,72koa da intzidentzia metatua, %0,87 gutxiago. Izan ere, talde horretan 507 kasu positibo antzeman zituzten joan den astean. Biztanleria osoan, berriz, 70,63koa da intzidentzia metatua; aurreko astean 69,3koa zen datu hori.