Albistea entzun

ETB

ETBk «emozioen bilgune» izan nahi du denboraldi honetan

Urko Aristik Hitzokei saioa aurkeztuko du arratsaldero, gogoetarako eta solasaldirako tarte berri bat. Lide Hernandok, Klara Mendizabalek eta Iker Laurobak SOS kantak arriskuan programa berria aurkeztuko dute.

ETBren aurkezpena, Gasteizen
ETBren aurkezpena, Gasteizen Raul Bogajo / Foku Tamaina handiagoan ikusi

Urtzi Urkizu -

2022ko irailak 8

Gasteizko FesTVal jaialdiaren barruan, ETBk 2022-2023ko denboraldiko programazioa aurkeztu du gaur goizean. Unai Iparragirre ETBko zuzendariak zera adierazi du: «Partekatu nahi ditugun emozioen bilgune izan nahi dugu. Denetariko emozioak, eta denontzat». Iparragirrek nabarmendu du ETB1en iaz abian jarritako estrategiari eutsiko diotela. «Batez ere, denboraldi berri honetan, albistegiak, kultura eta entretenimendua bultzatzeko ahalegin berezia egingo dugu».

ETB1eko apustu nagusien artean, Mihiluze lehiaketaren itzulera egongo da. Astelehenetik aurrera emango du euskarazko kateak, 21:30ean. Bestalde, hilaren 27an Naufragoak abentura reality-a estreinatuko du kateak.

Baina badira berrikuntza gehiago: Urko Aristi kazetariak Hitzokei saio berria aurkeztuko du –Ahoz aho saioaren tokia beteko du–. Gogoetarako eta solasaldirako tarte bat zabalduko du Aristik. Kultura jakintza eta euskara izango ditu ardatz, eta tarte berezia egingo die euskararekin lotutako albisteei.

Bestalde, SOS kantak arriskuan saio berria —Pausokak ekoitziko du— herriz herri ibiliko da, belaunaldiz belaunaldi transmititu baina erregistratu gabe dauden kanta herrikoiak «salbatzeko» asmoarekin. Gidariak Klara Mendizabal sopranoa eta Liher musika taldeko abeslari Lide Hernando izango dira, Iker Lauroba musikariarekin batera.

Biba zuek! eta Hitzetik hortzera saioak programaziora itzuliko dira, baita Piztu telebista eta Jateko modukoa ere. Artefaktua literatur saioa Ilaski Serranok aurkeztuko du aurten, eta Yolanda Mendiolak zuzendari jarraituko du.

Unai Iparragirrek BERRIAri azaldu dionez, ahalegin berezia egingo dute albistegietan. «Azkeneko urtean, Gaur egun-ek gorakada nabarmena izan du, eta ez genuen espero. Platoa goitik behera aldatuko dugu, inbertsio handia eginda. Gune handia izango da, pantaila erraldoi batekin». Astelehenean hasiko dira Gaur egun berrituarekin. 20:00etako euskarazko albistegia Nerea Reparazek aurkeztuko du denboraldi honetan.

Iparragirrek iragarri du abenduan beste berrikuntza bat iritsiko dela: Eta bihar zer?. Gazteen inkesta handi baten lerroburuetatik abiatuta, elkarrizketak egingo dituzte askotariko familiekin. Ondotik, eztabaida bat izango da. Leire Palaciosek aurkeztuko du saioa. Gazteekin osatutako Abiapuntua programa, berriz, abenduan itzuliko da.

Kiroletan, ETBko zuzendariak nabarmendu du Winter Series zesta punta txapelketa itzuliko dela. Astelehen gauetan emango dute.

Lau saio berri ETB2n

ETB2 kateko berrikuntzei dagokienez, Necesito ayuda dokumental programa estreinatuko dute. Prozesu psikologikoak eta erronka emozionalak lantzea izango du helburu. Mikel Santiago idazlearen eskutik, Los 7 pecados capitales saioa iritsiko da –Euskal Herriko hainbat krimen aztertuko dituzte–. Esto es una noche de rock & roll saioan adineko jendeak rock talde bat osatuko du. Javi Sierrak gidaturik, berriz, gastronomia saio berri bat iritsiko da ETB2ra: Trío de ases. Pandemiaren osteko zailtasunak gainditu nahi dituzten jatetxeei aholkularitza ematea izango du helburu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».
Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...