Indarkeria matxista
Sexu eraso bat salatu dute Nafarroako Unibertsitate Ospitalean
Zabaldutako informazioaren arabera, erasoaren biktima ospitaleko kafetegiko langilea da. Protesta «isil» batera deitu dute bihar eguerdirako, erasoa gaitzesteko.
Nafarroako Unibertsitate Ospitalean sexu eraso bat salatu dela jakinarazi dute berriki. Zehazki, ospitale horretako kafetegia zerbitzua ematen duen Arcasa enpresak eman du albistea, ospitaleko Lan Zuzendaritza eta Batzordearekin batera. Apenas eman duten salaketaren gaineko informaziorik, baina gertaturiko sexu erasoa salatzeko ordua zehaztu dute: protestara deitu dute bihar eguerdirako. Ospitalearen pareko lautadan bilduko dira.
Ohar bat argitaratu dute erasoa gaitzesteko. «Protesta honen bitartez, elkartasuna adierazi nahi diogu gure lankideari, eta, era berean, konpromisoa azaldu nahi dugu emakumeen kontrako indarkeria geldiarazteko. Emakumeen kontrako indarkeria giza eskubideen urraketa da, emakumea emakume izate hutsagatik baztertzen duena», idatzi dute. Halaber, nabarmendu dute sexu eraso oro egiturazko problema baten seinale dela, «injustiziaren sintoma».
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
