Albistea entzun

Lan gatazkak

Aurrerapausorik ez Arabako metalgintzako ituna berritzeko bileran

Sindikatuek aitortu dute «mugimenduak» egon arren «txikiak» izan direla. Greba deialdiei eustea erabaki dute horrenbestez. Hilaren 19an elkartuko dira berriro bi aldeak.

Sindikatuek deitutako manifestazioa, Gasteizen.
Sindikatuek deitutako manifestazioa, Gasteizen. Raul Bogajo/Foku Tamaina handiagoan ikusi

Aitor Biain -

2022ko irailak 8

Arabako metalgintzako ituna berritzeko bilera orain artekoen moduan amaitu da, akordiorik gabe. Eta beraz, sindikatuek hilaren 21erako 22rako eta 23rako egindako greba deialdiak bere horretan segitzen du. ELA, LAB, CCOO, USO, ESK eta CGT sindikatuek osatutako plataforma bateratuak gaitzetsi du SEA patronalak akordioa ahalbidetuko lukeen proposamen bat aurkeztu gabe segitzen duela. Hala ere, hilaren 19an berriz ere elkartuko dira, jarrerak hurbiltzeko asmoz.

LAB sindikatuak ohar bidez aitortu du «mugimenduak» egon direla, baina «txikiak» izan direla, eta patronalari ohartarazi dio sektorean lanuzteak hedatzea eragotzi nahi badu, «edukiak» aurkeztu beharko dituela negoziazio mahaian. «Gaur gaurkoz, eta bileretan 4 urte badaramazkigu ere, lan orduen jaitsiera ez dago mahai gainean oraindik, Hego Euskal Herriko altuena izan arren. KPIa ere ez dago bermatuta hitzarmenaren indarraldiaren bitartean». 

ELA sindikatuak ere argi utzi du «aurrerapauso txiki» horiek ez dira greba deialdia bertan behera uzteko nahikoa arrazoi. Eta salatu du SEAk lanaldi jaitsieraz edota KPIa bermatzeaz hitz egin badu ere, proposamenak ahoz baino ez dituela egin. Hori dela eta, idatziz eta «era serio batean» egiteko eskatu diote. 

CCOOk ere salatu du patronalak ez duela lanaldi jaitsieraren inguruko proposamenik egin, eta gaitzetsi du soldaten inguruan «marra gorriari» eusten diola. Sindikatuek elkarretaratzera deitu dute astelehen eguerdirako, Eusko Jaurlaritzaren egoitzaren aurrean, instituzioen inplikazioa eskatzeko. 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pentsiodunen protesta bat, Iruñean, artxiboko irudi batean. ©VILLAR LOPEZ / EFE

Pentsioak %8,5 handituko dira urtarrilaren 1ean Hego Euskal Herrian

Iker Aranburu

Iaz ez bezala, aurten batez besteko pentsioa handiagoa izango da urte amaierakoa baino. Batez besteko pentsioa 115 euro handituko da, eta erretiratuena 128 euro
Jose Luis Escriva Espainiako Gizarte Segurantza ministroa ©Sergio Perez (Efe)

Kotizazio urte gehiago, baina «hoberenak»

Jokin Sagarzazu

Pentsioen kalkulua 25 urtetik 30era zabaltzea proposatu du Espainiako Gobernuko Gizarte Segurantza ministroak

Bizkaiko metalgintzako lehen greba eguna, atzo, Trapagaranen. ©Marisol Ramirez / FOKU

Langile gehienek babestu dute metalgintzako bigarren greba eguna

Iñaut Matauko Rada

ELAk adierazi du grebaren atzoko eta gaurko erantzuna oso antzekoak izaten direla Bizkaiko metalgintzan. CCOO, LAB eta UGTren arabera, %85eko erantzuna izan du gaurko greba deialdiak.

Iñaki Zabaleta, Saioa Urriz eta Imanol Pascual, atzo. ©ELA SINDIKATUA

ELAk salatu du Nafarroako aurrekontuak «legealdiko okerrenak» izango direla

Joxerra Senar

Europako funtsak kenduta, 2023ko aurrekontuak %1,6 baizik ez dira igoko, BPGaren eta KPIaren «oso azpitik». EH Bilduk aurrekontuak «apaindu» izana kritikatu du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.