Albistea entzun

ELAk Arabako, Bizkaiko eta Gipuzkoako espetxeetako lan baldintzak salatu ditu

Sindikatuak elkarretaratzea egin du Basauriko kartzela parean. Espetxeetan sortutako «kaos egoera» salatu du eta zigorrak betetzeko zerbitzuaren ereduaz argibiderik ez ematea egotzi dio Eusko Jaurlaritzari.

ELAko ordezkariek Basauriko (Bizkaia) espetxe atarian elkarretaratzea egin dute
ELAko ordezkariek Basauriko (Bizkaia) espetxe atarian elkarretaratzea egin dute ELA sindikatua Tamaina handiagoan ikusi

Edurne Begiristain -

2022ko irailak 9

Gaur goizean protesta egin du ELA sindikatuak Basauriko (Bizkaia) espetxearen atarian Arabako, Bizkaiko eta Gipuzkoako presondegietako lan baldintzak salatzeko. Sindikatuaren ustez, «onartezina» da Eusko Jaurlaritzak oraindik argitu ez izana zein den espetxeetan ezarri nahi duen zigorrak betetzeko euskal zerbitzuaren eredua, bere funtzionamendu egitura eta lanpostuak.

ELAren iritziz «kaos egoera» batean daude espetxeetako langileak, eta bata bestearen atzetik zerrendatu ditu arazoak: negoziatu gabe daude langileen kategoriak, ordainsarien osagaiak, ordutegiak eta lanaldiak, bai eta horiei dagozkien gainerako lan baldintzak ere. ELAren ustez, baldintza horiek ezartzea ezinbestekoa da lan enplegu publikorako eskaintza bat egiteko. Lan baldintzei lotutako neurri bakarra hartzea egotzi dio, halaber, Jaurlaritzari: lan poltsa sortzea. Haatik, lan poltsa horiek kolektiboaren eta presoen segurtasunaren kalterako dela arbuiatu du ELAk.

Sindikatuaren iritziz, «iparrorratzik gabeko politika» darama Jaurlaritzak, eta horrek bizikidetzan eta zentroetako oinarrizko funtzionamenduan arazoak sor ditzake. Horrekin batera, sindikatuak Eusko Jaurlaritzari galdegin dio martxan jar ditzala espetxeetako langileen etengabeko prestakuntzarako eta  langile berriak prestatzeko Ikasketetarako Euskal Zentroa eta langileak euskalduntzeko politikak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz- Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu diote.

 ©Guillaume Fauveau

Antton Kurutxarri. «Aski indarrik ez dugu egin beharrekoa egiteko»

Olatz Silva Rodrigo

Euskararen Erakunde Publikoak irakaskuntzara bideratzen du indarraren zati handi bat. Lehendakariaren ustez, beste arlo batzuk jorratu beharko lituzkete.

 ©ARITZ LOIOLA / FOKU

ERAGILE, EGILE ETA ORDEZKARI

Julen Aperrribai

Duela 25 urte sortu zuten Euskararen Gizarte Erakundeen Kontseilua, euskararen normalizazio prozesua bizkortzeko eta euskalgintzako erakundeak bateratzeko. Hizkuntza politiketara begirako akordio sozial zabalak, plangintzak eta proposamen zehatzak eragiteko gaitasuna izan du hasieratik. Adostasunok galgatu egin dira sarritan pauso berean: maila sozialetik maila politikora eramateko unean.

 ©ARITZ LOIOLA / FOKU

«Adostasun politikoek edukia behar dute; ez gaude argazkien garaian»

Maite Asensio Lozano

Lema uztera doala, azken urteetan egindako aurrerapausoak gogoratu ditu, baina aitortu du arazo batzuk «kronifikatzen» ari direla. Hartara, hizkuntza politika «sendoak» eskatu ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...