Bi tiroketaren berri heldu da Errusiatik. Larrienean, gizon armatu batek gutxienez hamahiru pertsona hil ditu Errusia erdialdeko Izhevsk hiriko eskola batean. Hildakoen artean zazpi haur daudela zabaldu dute agintariek.
Azaldu dutenez, hiltzailea bi pistolarekin sartu da eskolan. Ikasle, irakasle eta langileen aurka tiro egin ostean, bere buruaz beste egin du.
At least 6 killed and more than 20 wounded after a school shooting in Izhevsk, Russia moments ago.
— Visegrád 24 (@visegrad24) September 26, 2022
Mobilization isn’t helping mental health in the country. pic.twitter.com/PzUzQO3mpO
Oraindik ez dute esan nor zen, edo zergatik egin duen sarraskia, baina zabaldu dute «ikur naziak» zituen elastiko bat zeukala soinean, eta aurpegia estaltzen zion txano bat. Zabaldu duten bideo batean, gizonezko bat agertzen da eskola bateko gela bateko lurrean, odolez inguraturik itxuraz, eta svastika bat duen elastiko beltz bat jantzita.
Gutxienez bi irakasle eta segurtasun zaindari bat hil dituela zabaldu dute.
Mila neska-mutil inguruk ikasten dute eskola horretan. Hiriko erdialdean dago. 650.000 biztanle inguru ditu hiriak.
Errekrutatze zentro batean
Bigarren tiroketa Irkutsk eskualdeko Ust-Ilimsk hirian gertatu da. Errusiako armadak Ukrainako gerrarako soldaduak errekrutatzeko duen bulego batean gertatu da. 25 urteko Ruslan Zinin armaturik sartu da hara, eta gutxienez tiro bat egin du. Iturri batzuen arabera, bulegoko nagusia tirokatu du.
Sarean gertaeraren bideoak zabaldu dituzte, baina ez dute oraindik baieztatu benetakoak ote diren, edo gaurko tiroketari dagozkien.
A shooting occurred military enlistment office in the town of Ust-Ilimsk, Irkutsk region of Russia. Among the injured, there is the chief of the draft commission Alexander Eliseev. He is currently in intensive care in critical condition.
— Novaya Gazeta. Europe (@novayagazeta_en) September 26, 2022
Video: social media pic.twitter.com/qAoqUAqQi8
Edonola ere, Irkutskeko gobernadore Igor Kobzevek adierazi du bulegoko burua hil edo bizi dagoela, eta tiratzailea atxilotu egin dutela.
#Russia A shooting was reported at a military recruitment office in the Irkutsk region. The head of the recruitment commission was wounded. It happened in the city of Ust-Ilimsk. This video shows the aftermath. There is a video of the actual shooting, too: a man shots from a gun pic.twitter.com/riH7zHwJcy
— Hanna Liubakova (@HannaLiubakova) September 26, 2022
Joan zen asteazkenean 300.000 erreserbista mobilizatzeko agindu zuen Vladimir Putin Errusiako presidenteak, Ukrainako gerrara bidaltzeko. Geroztik, protestak izan dira hainbat eskualdetan, besteak beste Dagestanen eta Jakutian. Herrialde horietan kexu dira, proportzioan beste eskualdeetatik baino soldadu gehiago bidali dituztelako handik Ukrainarako gerrara.