Albistea entzun

Palestina

Israelgo armadak lau palestinar hil eta 44 zauritu ditu Zisjordania iparraldeko kanpamentu batean

NBEk adierazi du Israel «gehiegizko bortizkeriaz» jarduten ari dela. Erakundearen arabera, indarkeria kasu gutxi batzuetan da zilegi: «Soilik bizitzak babesteko guztiz ezinbestekoa denean». Azken sei hilabeteetan ehun palestinar inguru hil dira Israelen erasoaldietan.

Jenin inguruan izandako erasoaldia, gaur.
Jenin inguruan izandako erasoaldia, gaur. ALAA BADARNEH/EFE Tamaina handiagoan ikusi

Uxue Rey Gorraiz -

2022ko irailak 28

Hazi eta hazi ari da Israelen armada Zisjordanian hiltzen ari den palestinar kopurua. Azken asteotan, nabarmen bizitua dago tentsioa karriketan, borroka ugari izaten ari dira; hildako eta zauritu ugari ere bai, ondorioz. Palestinako Osasun Ministerioak zabaldu duenez, Jenin inguruan izan da azken erasoaldia, kanpamentu batean. Lau hildako eta 44 zauritu izan dira.

Hain zuzen, NBE Nazio Batuen Erakundeak Zisjordaniako egoeraren gaineko adierazpenak egin ditu berriki. NBEren Ekialde Hurbileko arduradun Tor Wenneslandek nabarmendu du erakundea «biziki kezkatua» dagoela azken asteotako gertakariak ikusirik. Batik bat, Israelgo armadak hainbat palestinar hil izana gaitzetsi du NBEk, eta iradoki du Israel «gehiegizko bortizkeria» erabiltzen ari dela; hildako kopurua «handiegia» dela ere bai. Azaldu duenez, hildakoetako asko ez ziren «inongo mehatxu» Israelentzat.

Izan ere, Wenneslandek aldarrikatu du indarkeria erabiltzea ez dela beti egokia. «Indar armatuek indarkeria erabili behar dute soilik bizitzak salbatzeko ezinbestekoa denean», esan du.

Halaber, Palestinako Gobernuak gogora ekarri du Israelen erasoaldiak orain dela sei hilabete hasi zirela. Ordutik, zabaldutako datuen arabera, ehun palestinar inguru hil dira, eta 2.000 lagun atxilotu dituzte.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gerald Darmanin Frantziak Barne eta Itsasoz Haraindiko ministroa —irudiaren erdian—, gaur, Noumean, bilkura batean ©@GDarmanin

Darmaninek «elkarrizketei berriz ekitea» jarri du helburutzat Kaledonia Berrian

Ander Perez Zala

Urtebetean baino gehiagoan lehen aldiz, independentistek baiezkoa eman diote negoziazioetan parte hartzeari.

Peruko presidente Pedro Castillo (erdian), Ministroen Kontseilua berritu ostea, joan den ostiralean, Liman. ©EFE

Peruko Botere Judizialak Castillori eskatu dio estatuko erakundeak bilera batera dei ditzala, adostasuna lortzeko

Mikel O. Iribar

Gobernuaren eta Kongresuaren arteko tentsioa areagotu egin da azken egunotan; ganberak ezezkoa eman dio presidentearen konfiantza mozioari, eta Ministroen Kontseilua berritu behar izan dute.

Irango emakumeen aldeko protesta, Istanbulen (Turkia), iragan larunbatean. ©EFE / Erdem Sahin

Iranek ez du NBErekin kooperatuko protestetako errepresioa ikertzeko

Maddi Iztueta Olano

NBEk misio independente bat sortu du mobilizazioen aurkako errepresioa ikertzeko. Mahsa Aminiren hilketaren aurkako manifestazioetan 300 lagundik gora hil dituzte, eta 15.000 herritar atxilotu.

Guardia Zibila Espainia eta Marokoren arteko muga zaintzen, martxoan hainbat migratzailek hesia igarotzeko ahalegina egin ostean, Melillan. ©MIGUEL OSES / EFE

Espainiaren eskua heriotzetan

Mikel O. Iribar

Bi ikerketaren arabera, Espainiako Gobernuak ere erantzukizuna izan zuen Melillako hesian gertaturikoan. GKEek eta oposizioak atakan jarri dute Grande-Marlaska; asteazkenean azalpenak emango ditu berriz ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...