Albistea entzun

Droga trafikoa

Ertzain bat atxilotu dute, etxean 55 kilo kokaina zituela

Bilbon patruilan aritzen zen 49 urteko agente bat da. Beste pertsona batekin batera hartu dute preso. Josu Erkoreka Segurtasun sailburuak adierazi du atxikitako drogak 10 milioi euroko balioa duela merkatuan.

Atxiloturiko ertzaina 14. promoziokoa zen. Irudian, 17. promozioaren aurkezpena Arkauten, 2002an.
Atxiloturiko ertzaina 14. promoziokoa zen. Irudian, 17. promozioaren aurkezpena Arkauten, 2002an. Jon Hernaez / Foku Tamaina handiagoan ikusi

Berria -

2022ko irailak 30

Duela urtebetetik zaintzapean zuten A. S. M. ertzaina, droga trafikoan zebilela susmatzen zutelako. Atzo atxilotu zuten, beste pertsona batekin batera, etxean droga kantitate handi bat zuela jakin zutelako. Izan ere, 55 kilo kokaina topatu dute haren etxebizitzan.

Bilboko ertzain etxeko agentea da atxiloturikoa. Preso hartu duten beste pertsona ez da ertzaina, eta ez du aurrekaririk droga trafikoaren arloan; bai, ordea, lesio delituen arloan. Ertzaintzako Barne Aferetako eta Bilboko ertzain etxeko drogen taldeko agenteek egin zuten operazioa, atzo, Galdakaon (Bizkaia).

Zabaldu dutenez, ustez Kantabriako (Espainia) narkotrafikatzaile batek zuzenduriko sareko kidea izan zen 49 urteko ertzaina, baina azken boladan bere kabuz zebilen trafikoan.

Ikerketa «oso zaila» izan dela esan du Josu Erkoreka Eusko Jaurlaritzako Segurtasun sailburuak, ertzainak «metodologia nahiko landua zuelako narkotrafikoan aritzeko». Erkorekak azaldu duenez, atxiloturikoak «droga kantitate handiak» eramaten zituen Bilbora, eta handik zabaltzen zuen Euskal Herrian eta inguruko eremuetan, Kantabrian eta Aragoin besteak beste (Espainia). Kalkulatu dute atzo atzemandako 54 kilo kokainak hamar milioi euro balio zezakeela kalean. Horrez gain, 20.000 euro atzeman zizkioten atxiloturiko ertzainari.

Azalpenok eman ditu Erkorekak gaur goizean, Gasteizen. Ordu batzuk lehenago, mintzagai izan da afera Eusko Legebiltzarrean, Julen Arzuaga Gumuzio EH Bilduko legebiltzarkideak «zentsura eta informazioa ezkutatzea» egotzi dionean Erkorekari. Legebiltzarkideak eta herritarrak ertzain bati 55 kilo kokaina atzeman izana prentsaren bidez jakin behar izatea txarretsi dio Arzuagak sailburuari. «Ez dute nahi guk ikustea, ez dute nahi guk jakitea».

Lehenago ere atxilotu dituzte ertzainak droga trafikoarekin lotuta. Iaz, Ertzaintzan 20 urte zeraman polizia bat hartu zuten preso, Valladoliden (Espainia) eginiko operazio batean. Kokaina zeramaten bi kamoi handi atzeman zituzten orduan.

Are deigarriagoa izan zen 2008ko azaroaren 16an eginiko operazioa. Sei lagun atxilotu zituzten Bizkaian ustez droga trafikoan aritzeagatik. Atxilotuetako bat 36 urteko ertzain bat zen, eta, Eusko Jaurlaritzako Barne Sailaren arabera, hura zen talde horren burua. Ertzaina bere kide bati 200 gramo kokaina saltzen ari zela atzeman zutela adierazi zuen Barne Sailak. Atxilotuei bi kilo kokaina, suzko bi arma, balantzak, 150.000 euro eta droga biltzeko materiala atzeman zieten.

10 milioi euroko balioa

Josu Erkorekak, Eusko Jaurlaritzako Segurtasun sailburuak, kasuari buruzko xehetasunak eman ditu prentsaren aurrean. Adierazi du atxikitako kokainak merkatuan 10 milioi euro inguruko balioa duela. Bestalde, adierazi du Madrildik ekartzen zutela droga Euskal Herrira, «kopuru esanguratsuetan».

Drogarekin batera 20.000 euro inguru topatu zituzten ertzainek atxilotuaren etxean, eta, ikerketan egin dituzten kalkuluen arabera, joan den urtean 300.000 euro inguru irabazi zituen kasuko inplikatu nagusiak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Bingen Zupiria Eusko Jaurlaritzako bozeramailea gaurko prentsaurrekoan ©Irekia

Zupiriak esan du Osakidetzaren lan ildoarekin «erresistentzia» agertzeagatik izan direla kargugabetzeak

Edurne Begiristain

Gotzone Sagarduik Eusko Legebiltzarrean agerraldia eskatu du, Donostialdeko ESIaren egoera azaltzeko.

Donostiako ospitalaren atarian gaur goizean egindako protesta bilkura ©Javier Etxezarreta / Efe

Donostia ospitaleko 150 langile inguru batu dira gaur ESIko zerbitzuburuen elkarretaratzera

Edurne Begiristain

Osakidetzaren eta Eusko Jaurlaritzaren kudeaketa salatzeko protesta bilkura jendetsua egin dute goizean ospitaleko atarian. ESIko zerbitzuburuek arratsaldean eskainiko dute prentsaurrekoa.

Aranzadi zientzia elkartea desobiratze lanetan, Urduñako hilerrian ©Irekia

Urduñako espetxe frankistako hogeita hamar presoren gorpuzkiak aurkitu dituzte herriko hilerrian

Berria

Aranzadi zientzia elkartea ari da desobiratze lanetan. Gogora Institutua biktimen senideekin harremanetan jarri da.

EEPko ordezkariek Parisen isiltasuna deitoratu dute

Garazi Aduriz Zuñeda

Irailean egin zuten bilkura Frantziako Hezkuntza Ministerioarekin. Azterketak euskaraz egiteko eskubidea aipatu zuten nagusiki.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.