Albistea entzun

Udalgintza

Usansolo udalerri bilakatzearen aldeko mosaiko herrikoia egin dute hainbat bizilagunek

40 urteko ibilbidearen ostean, azken urratsa falta zaio Usansolori (Bizkaia) udalerri bilakatzeko: Bizkaiko Batzar Nagusietako bozketa gainditzea. Desanexioaren aldeko hainbat ekitaldi egin dituzte gaur.

Herritarrek larunbat eguerdian egindako mosaikoa.
Herritarrek larunbat eguerdian egindako mosaikoa. FOKU Tamaina handiagoan ikusi

Iñaut Matauko Rada -

2022ko urriak 1

Usansoloko bizilagunek 40 urte luze eta neketsu daramatzate udalerri bilakatu nahian. Prozesu hori nolakoa izan den zabaltzeko, gaur 11:00etatik aurrera erakusketa egin dute, eta ondoren, 13:00etan, herri mosaikoa egin dute hainbat koloreko aterkiekin, desanexioaren alde. Urriaren 15ean, berriz, manifestazioa egingo dute, 12:00etan, eta herri bazkaria horren ostean. Izan ere, ia mende erdi baten ostean, badirudi herriaren gehiengoaren nahia egi bihurtuko dela. Bizkaiko Foru Aldundiak desanexioaren proposamen akordioa aldeko txosten batekin eraman zuen Bizkaiko Batzar Nagusietara, eta UH Usansolo Herria plataformaren arabera, ez dirudi Bizkaiko 113. udalerria sortzearen aurka bozkatuko duen alderdi politikorik dagoenik. Hala ere, batzar nagusietako alderdi guztiei biltzeko eskatu die plataformak.

Gauzak horrela, Usansoloren desanexioa batzar nagusietako hurrengo plenoan bozkatuko dute, eta plataformako kideek uste dute urriaren hasieran izango dela. Azken 40 urteetan borondate «politiko eza» eta oztopoak nagusitu direla salatu du plataformak.

Bizkaiko 113. udalerria

Luzea izan da prozesua, baina 40 urteren ostean, Usansolok Galdakao barruko herri izateari utziko dio, eta udalerri izango da. Urte horietan behin baino gehiagotan egin dituzte desanexioaren inguruko herri galdeketak, eta beti irabazi du udalerri bilakatzearen aldeko aukerak. Aurtengo martxoan izan zen azkena, eta bozketan parte hartu zutenen %81,54k udalerri izatearen alde egin zuen.; 3.771 herritar zeuden boza ematera deituta, eta horren %63,12 hurbildu zen hauteslekura.

Azken erroldaren arabera —2022. urtekoa—, 4.635 pertsona bizi dira Usansolon, eta hori da plataformako kideak gehien keztatzen dituena. Izan ere, Espainiako legearen arabera, herri edo auzo batek udalerri izateko desanexioa lortu nahi badu, gutxienez 5.000 pertsonako errolda izan behar du. Hala ere, Bizkaiko Foru Aldundiak du hor eskumena, eta foru arauaren arabera, gutxienez 2.500 pertsona izan behar ditu udalerri izan nahi duen auzo edo herriak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©ARITZ LOIOLA / FOKU

ERAGILE, EGILE ETA ORDEZKARI

Julen Aperrribai

Duela 25 urte sortu zuten Euskararen Gizarte Erakundeen Kontseilua, euskararen normalizazio prozesua bizkortzeko eta euskalgintzako erakundeak bateratzeko. Hizkuntza politiketara begirako akordio sozial zabalak, plangintzak eta proposamen zehatzak eragiteko gaitasuna izan du hasieratik. Adostasunok galgatu egin dira sarritan pauso berean: maila sozialetik maila politikora eramateko unean.
 ©ARITZ LOIOLA / FOKU

«Adostasun politikoek edukia behar dute; ez gaude argazkien garaian»

Maite Asensio Lozano

Lema uztera doala, azken urteetan egindako aurrerapausoak gogoratu ditu, baina aitortu du arazo batzuk «kronifikatzen» ari direla. Hartara, hizkuntza politika «sendoak» eskatu ditu.
Atzo Euskalgintzaren Kontseiluak antolatutako agerraldia; Iratxe Retolazak eta Leire Vargasek irakurri zuten adierazpena. ©MARISOL RAMIREZ / FOKU

«Euskarak izan behar du hezkuntza sistemako hizkuntza normalizatua»

Imanol Magro Eizmendi Arantxa Iraola

Euskalgintzako hainbat pertsona ezagun batu ditu Euskalgintzaren Kontseiluak; adierazi dute euskara eta euskal kultura behar dituela ardatz Araba, Bizkai eta Gipuzkoarako ontzen ari diren Hezkuntza Legeak

Osakidetzako krisia areagotu du beste arduradun baten dimisioak

Ion Orzaiz

Kargua utzi du Adolfo Begiristainek, Donostia ospitaleko kirurgia zerbitzuko zuzendariordeak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...