Albistea entzun

Durangoko eta Gasteizko gas azpiegituretan metano ihesak aurkitu ditu Ekologistak Martxan taldeak

Gasteizko zentroan «isurketa jarraituak eta emari handikoak» aurkitu dituzte, eta Durangokoan haizatze hotzaren jarduera erabiltzen dela ondorioztatu dute.

Metano ihesa Gasteizko Enagasen garraio zentro bateko balbuletatik
Metano ihesa Gasteizko Enagasen garraio zentro bateko balbuletatik Ekolgistak Martxan Tamaina handiagoan ikusi

Isabel Jaurena -

2022ko urriak 4 17:36

Ekologistak Martxan taldeko kide Marina Gros-en erranetan, bi motatako ihesak daude gas azpiegituretan: enpresek nahita egiten dituztenak eta nahi gabe agertzen direnak. Taldeak egin duen ikerketan ikusi du Euskal Herrian bi motatakoak daudela, Durangon (Bizkaia) eta Gasteizen.

Haizatze hotzaren teknikaren bidez, erraterako, enpresak propio egiten ditu metano isuriak. Teknika hori Durangoko (Bizkaia) transmisio zentroan erabiltzen dela egiaztatu du Ekologistak Martxan taldeak. Sistemetako presioa arintzeko erabiltzen da haizatze hotza. Halakoetan sistemaren presioak gora egiten duenean, «metanoa zuzenean atmosferara» askatzen da, Grosek azaldu duenez. Nahita egindako bertze mekanismo bat, berriz, sistemaren presioak gora egitean gasa erreta askatzean datza, CO2 moduan. Kutsagarria da, baina metanoa CO2a baino «84 eta 87 aldiz bortitzagoa» denez, «ez da hain kalte handia», Ekologistak Martxan taldearen arabera.

Nahi gabeko ihesak, adibidez, «balbula edo uztai batek ongi funtzionatzen ez duenean edo zerbaitek zulo bat duenean» gertatzen dira, Grosek azaldu duenez. «Hori egunero aurkitzen dugu», gehitu du. Gasteizko transmisio zentroan, erraterako, «isurketa jarraituak eta emari handikoak» aurkitu dituzte, «hamabost ihesetatik datozenak: balbulak, hodiak, neurgailuak...». Egoera «bereziki kezkagarria» dela adierazi du Ekologistak Martxan taldeak.

Taldeak nabarmendu du ez dagoela «behar bezala araututa» metanoak zer kutsadura eragiten duen gasaren sektorean, eta «neurriak» hartu behar direla «gas naturalaren garraioan emisioak eteteko». Hala, adierazi du badirela konponbide «erraz eta eraginkorrak» isurketak murrizteko. Taldearentzat, «erregai fosilak ahalik eta lasterrena uztea» da egokiena, ez baita «zero arriskuko» egoerarik existitzen. Hala ere, debekatuta egon beharko luketen jarduerak –haizatze hotza, adibidez– ezartzeko eta zigortzeko legediaren beharra ere aipatu du.

Ikerketa

2022ko uztailean hasi zen Ekologistak Martxan taldea metano ihesak bilatzen. «Kamera termiko bat erabili dugu gasaren mugimendua ikusteko; horrela ikus dezakegu non dagoen ihesa», azaldu du Grosek. Hala, taldeak Euskal Herritik gasa garraiatzeko sistema zeharkatu zuen, eta Errioxa, Gaztela eta Leon, Kantabria eta Asturias ere bisitatu zituen. Orotara, 21 azpiegituratan ibili da taldea, eta horietatik hamarretan metano isuriak atzeman ditu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostia ospitalea, artxiboko irudi batean. ©Andoni Canellada / Foku

Osakidetzako krisia areagotu du beste bi arduradunen dimisioak

Ion Orzaiz- Paulo Ostolaza

Adolfo Begiristain eta Maite Martinez dira, Donostia ospitaleko kirurgia zerbitzuko zuzendariordea eta mediku zuzendariordea, hurrenez hurren.

 ©ARITZ LOIOLA / FOKU

ERAGILE, EGILE ETA ORDEZKARI

Julen Aperrribai

Duela 25 urte sortu zuten Euskararen Gizarte Erakundeen Kontseilua, euskararen normalizazio prozesua bizkortzeko eta euskalgintzako erakundeak bateratzeko. Hizkuntza politiketara begirako akordio sozial zabalak, plangintzak eta proposamen zehatzak eragiteko gaitasuna izan du hasieratik. Adostasunok galgatu egin dira sarritan pauso berean: maila sozialetik maila politikora eramateko unean.
 ©ARITZ LOIOLA / FOKU

«Adostasun politikoek edukia behar dute; ez gaude argazkien garaian»

Maite Asensio Lozano

Lema uztera doala, azken urteetan egindako aurrerapausoak gogoratu ditu, baina aitortu du arazo batzuk «kronifikatzen» ari direla. Hartara, hizkuntza politika «sendoak» eskatu ditu.
Atzo Euskalgintzaren Kontseiluak antolatutako agerraldia; Iratxe Retolazak eta Leire Vargasek irakurri zuten adierazpena. ©MARISOL RAMIREZ / FOKU

«Euskarak izan behar du hezkuntza sistemako hizkuntza normalizatua»

Imanol Magro Eizmendi - Arantxa Iraola

Euskalgintzako hainbat pertsona ezagun batu ditu Euskalgintzaren Kontseiluak; adierazi dute euskara eta euskal kultura behar dituela ardatz Araba, Bizkai eta Gipuzkoarako ontzen ari diren Hezkuntza Legeak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.