Albistea entzun

Hezkuntza

Deklaratzen hasi dira martxoko ikasle greban Gasteizen atxilotutako gazteak

Urtarrilera bitartean deklaratuko dute Gasteizko Letren Fakultatean atxilotutako 34ek, Gedarrek zabaldu duenez. «Desordena publikoak» egitea egozten diete. EHUren arabera, 83.000 eurorainoko kalte materialak eragin zituzten.

Atxiloketak salatzeko IAk egindako manifestazioa, Gasteizen, apirilean.
Atxiloketak salatzeko IAk egindako manifestazioa, Gasteizen, apirilean. Raul Bogajo / FOKU Tamaina handiagoan ikusi

Berria -

2022ko azaroak 2 10:05

Ertzaintzak 34 gazte atxilotu zituen joan den martxoaren 24an Gasteizen, IA Ikasle Abertzaleak antolakundeak hezkuntzako erreformen kontra egin zuen ikasle greban. Bada, atxilotuak hasiak dira epaile aurrean deklaratzen, Gedar atariak zabaldu duenez. Haren arabera, urriaren 21ean hasi ziren auzipetuak deklaratzen, eta urtarrilera bitartean egingo dute gainerakoek. Hurrengo saioa, azaroaren 11n izango da. Gedarrek ez du zehaztu haien kontrako zigor eskariak nolakoak diren, baina jakinarazi du «desordena publikoak» egitea eragozten dietela.

EHUko Gasteizko Letren Fakultatean izandako gertakarien harira ari dira deklaratzen auzipetuak. Goizean piketeak egin zituzten, eta Ertzaintzak, fakultatera sartu, eta hainbat ikasle atxilotu zituen. EHUko errektoretzak salatu zuen erakundearen hiru campusetan eraikinetan sartu zirela piketeak, eta «bereziki larritzat» jo zituen Arabako campusean eginiko ekintzak. Han, erakundearen arabera, «petardoak eta bengalak jaurti, hormetan pintadak egin eta eraikin horietako batzuen altzariak txikitu dituzte». Ekintza horiek «aringarririk gabe» gaitzetsi zituen, eta adierazi kalteen balorazio bat egiteari ekin diola erakundeak. Bada, balorazio hori egina du, Gedarrek zabaldu duenez. Atariaren arabera, 83.000 euroko faktura bat aurkeztu du errektoretzak. Horrez gain, 34 ikasleen kontrako diziplina prozedurak zabalik dituela zehaztu du Gedarrek, prozesu judiziala amaitu bitartean aplikatuko ez baditu ere.

IAk, aldiz, «astakeriatzat» jo zuen «pikete batzuengatik» 34 atxilotu egotea, eta, hori salatzeko, manifestazioa egin zuen Gasteizen. Gainera, gertakarien erantzule egin zuten EHUko Arabako errektoreordetza, «polizia unibertsitate barrura sartzea» baimentzeagatik. «Horrelako ekintza errepresiboak onartuz, gizartearen joera autoritarioan sakontzea ahalbidetu du errektoretzak», salatu zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maria Txibite lehendakaria eta Ramon Alzorriz PSNko bozeramailea, Nafarroako Parlamentuan. ©JESUS DIGES / EFE

Sindikatu Medikoaren hordagoari men egiteko prest azaldu da Txibite

Ion Orzaiz

Lehendakariak justifikatu du Osasunbideko sendagileei aukera ematea osasun pribatuan ere jardun daitezen: «Profesionalak erakartzeko bidea da». Erabakiaren aurka azaldu dira EH Bildu eta Ezkerra
Ikasbidea ikastola, Duran ©Irekia

Ikasbidea ikastetxeak hotzari aurre egiteko konponbide iraunkor bat eskatu du

Irati Urdalleta Lete

Azaldu dutenez, arazoak dituzte ikastetxeko galdararekin, baina Eusko Jaurlaritzak esan die ez dutela uda baino lehen konponduko. Salatu dute ikasgeletan hamahiru edo hamalau gradu izan dituztela.

'Aita Mari' ontziak Mediterraneoan aurkitutako migratzaileen ontzi baten erreskatea, artxiboko irudia. ©Itsas Salbamendu Humanitarioa

'Aita Mari' ontziari espediente bat ireki diote, ia milioi bat euroko isunekoa

Isabel Jaurena-Edurne Begiristain

Zigorra 2020ean Palermon (Sizilia, Italia) gertatu ziren ekintza batzuen baitakoa da. Aita Mari-k alegazioak aurkeztuko ditu.

Miren Basaras. / ©Aritz Loiola, Foku

«Komeni da zaurgarrienek maskara erabiltzen jarraitzea»

Edurne Begiristain

Osasun sistemaren gaineko presioa «apaldu» izanaren ondorio da garraio publikoan maskara janzteko derrigortasuna kendu izana, Miren Basaras EHUko Mikrobiologia irakasleak azpimarratu duenez.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...