Albistea entzun

Nafarroa Oinez

‘Hotsein!’ izango da 2023ko Nafarroa Oinez-en leloa, eta logoa bozgorailu bat

Etxarri Aranatzen ospatuko da hurrengo urteko jaia, Andra Mari Ikastolak antolatuta. «Zuena eta indartsua». Horrela definitu dute 2023ko Nafarroa Oinez-en leloa Izaskun Errazkinek, Andra Mari ikastolako gurasoen ordezkariak, eta Iñigo Orella zuzendariak.

Paula Arregi, Josu Reparaz, Izaskun Errazkin, Iñigo Orella eta Aritz Azkarate Nafarroako Ikastolen Elkarteko egoitzan
Paula Arregi, Josu Reparaz, Izaskun Errazkin, Iñigo Orella eta Aritz Azkarate Nafarroako Ikastolen Elkarteko egoitzan Iñigo Uriz / FOKU Tamaina handiagoan ikusi

Itsaso Jauregi -

2022ko azaroak 3

Etxarri Aranatzen ospatuko da hurrengo urteko jaia, Andra Mari Ikastolak antolatuta. Nafarroako Ikastolen Elkarteko egoitzan egin duten aurkezpenean, Hotsein! hitzak Sakanako hizkeran bi esanahi dituela azaldu du ikastolako ordezkariak: batetik zarata egin edo burrunba egin, eta, bestetik, deitu edo aldarrikatu. «Bi esanahiak baliatu nahi ditugu. Batetik Andra Mari ikastolak zarata egin nahi du, euskara txoko guztietan entzun dadin. Bestetik, dei zabal bat egin nahi du arnasguneetan dauden ikastolon alde, proiektu horien beharra aldarrikatuz», azaldu du Orellak.

Logoa bozgorailu bat da, hiru marratxoekin osatutakoa. Marra horien koloreak garrantzitsuak direla esan du Errazkinek, Andra Mari ikastolaren koloreak direlako. Bozgorailuak hots egiteko nahia eta hitza zabaltzeko asmoa adierazten ditu, Sakanan euskara bizirik mantentzeko. «Datorren urteko Nafarroa Oinezen proiektuari gogo handiz heldu nahi diogu, baina baita arduraz ere. Euskarak bultzada handia behar du, ez soilik Erriberan edo Tafallan, Sakanan ere bai», esan du zuzendariak.

Tafallako Garces de los Fayos ikastolak lekukoa pasatu dio Andra Mari ikastolari, eta bere babes osoa eskaini. Horrez gain, Paula Arregi, Garces de los Fayos ikastolako zuzendaria, pozik agertu da 2022ko Nafarroa Oinezek izandako erantzun jendetsuagatik: «Eguraldi ona izan genuen, eta giro ezin hobea. Programatutako tailerrak, kontzertuak, haurrentzako jolasak eta dantzak egin genituen».

Jaialdiak ezarritako helburuak bete zituela adierazi du zuzendariak, eta boluntarioei esker izan dela azpimarratu du: «1.200 boluntario inguruk egindako lana nabarmentzen da, auzolan handi honetan parte hartuz Oinez arrakastatsua izaten lagundu baitute».

Orain Andra Mari ikastolaren txanda da, baina ez da lehendabiziko aldiz Nafarroa Oinez bertan ospatzen dena: 1989, 1996 eta 2009 dira Etxarri Aranatzen data esanguratsuak, eta 2023 gehitu dute zerrendara. Ikastolako zuzendariak adierazi du Sakanan euskaren erabilera moteltzen ari dela, eta hurrengo urteko urrian ospatuko den jaiaren bitartez euskararen arnasguneak «bizkortu» nahi dituztela. Horretarako jai herrikoia, kooperatiboa, autogestionatua eta auzolanean oinarritutakoa antolatu nahi dutela aipatu du, Etxarri Aranatzen euskarak bizi-bizirik jarraitzen duela erakusteko asmoz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Berriz indarkeria aipatzeak ez du auzitan jartzen onespena»

Arantxa Iraola

Ortubairentzat, argi esan behar da 'soilik baietz da baietz' legeak zigorrak delitu bakanetan urritzen dituela; asmo txarrez hauspotutako gatazka bat dela. Behin legea aldatzen hasita, ordea, egokitzat du PSOEren hautua.

Nerea Barjola ekintzaile feminista Eusko Legebiltzarrean, atzo. ©EUSKO LEGEBILTZARRA

Iruditeria aldatzeko beharra

Isabel Jaurena

Nerea Barjolak dio krisi zentroak gakoa direla indarkeria sexualaren biktimak artatzeko. Gunearen eta gainerako zerbitzuen «koordinazioa» ezinbertzekoa da emakumeak ahal bezain ongi laguntzeko
1936ko gerran Bastidan (Araba) hildako biktimen omenezko ekitaldi bat, artxiboko irudi batean. ©ENDIKA PORTILLO/ FOKU

Frankismoaren biktimei erreparazio «osoa» emango die memoriaren legeak

Edurne Begiristain

EP-IUk, EAJk eta PSE-EEk akordioa lortu dute memoria historikoaren legearen gainean. Biktima gisa izendatua izateko kasuistika zabaltzea adostu dute

 ©NAFARROAKO GOBERNUA / BERRIA

Belateko tuneleko lanak lizitatu dituzte, 2028an bukatzea helburu

Ion Orzaiz - Paulo Ostolaza

Nafarroako Gobernuak esan du lanek 95 milioi euroko kostua izanen dutela. Tunelak Europako legedira egokituko dituzte, hogei urte berandu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...