«Kilometroak ez da ikastolarentzat soilik egingo den jai bat; euskararen inguruan herrian proiektu bat aurrera eramateko baliabideak jarri nahi ditu». Helburu honekin ospatuko dute heldu den urteko Kilometroak jaia. Errenterian (Gipuzkoa) eginen dute, eta Orereta ikastola izanen da antolatzaile.
Garai batez, fabrika izan zen egungo Orereta ikastolako egoitza, eta, hain zuzen, historia hori ere kontuan hartu nahi izan dute. Leloa, hala, Erriola izanen dute geurtz, «Ikastolaren sorreran parte hartu zutenen eta ikasle gazteenen arteko transmisioa irudikatzeko». Antolatzaileen arabera, «nortasuna» du errioak Errenterian, herriaren erdigunetik pasatzen delako, bizimoduaren erdigunean egon delako, eta erdiguneak sortu dituelako». Logoan ere ageri da erriolaren irudia.
Ikastolak 60 urte
2023an, Orereta ikastolak 60 urte beteko ditu. 1973an sortu zuten, herriko Añabitarteko baserri inguruko lur batzuk erosiz. «Ikur» bilakatu den baserria berritzeko proiektuak ere badituzte buruan, «bide horretan lanean aritu diren guztiei eskertza egiteko eta komunitatea sendotzeko».
Kilometroak jaia bera egun bakarrekoa bada ere, zehaztu dute urte osoko egutegia ondu dutela.
