Albistea entzun

Ehunka bizilagunek salatu dute Iruñean Ezpala tabernaren aurkako erasoa

«Eraso faxista bat» izan dela azpimarratu dute, eta pentsaezina dela egun-argiz horrelako eraso bat gertatzea eta ezer ez gertatzea.

Manifestazio burua. /
Manifestazio burua. / Jagoba Manterola/Foku Tamaina handiagoan ikusi

Jon Ordoñez Garmendia -

2022ko azaroak 12

Ehunka lagun atera dira kalera ostiral arratsaldean Iruñeko Iturrama auzoan, aste honetan Ezpala tabernan izan den erasoa salatzera. «Eraso faxista bat» izan zela adierazi dute, eta manifestazioaren buruko pankartak Iturramak faxismoari ez zioen. «Ezpala, aurrera» eta «ez, ez, ez, faxismorik ez» oihuak entzun ziren.

Manifestazioaren amaieran erasotzaileen inpunitatea salatu dute deitzaileek, eta argudiatu dute pentsaezina dela burua estalita daramaten 40 faxistak egun-argiz taberna bati eraso egitea eta «ezer ez gertatzea». Aldiz, auzoan egin ohi den edozein herri ekimen Poliziak jazarria, kriminalizatua eta debekatua dela.

Aste honetako erasoa ez dela lehena ere azpimarratu dute, eta tabernan «hainbat sarekada» izan direla, «kikiltzeko». «Herri mugimenduaren aurka, Polizia. Eta faxismoaren aurka, auzo antolatu bat», adierazi dute. Horrelako erasoen aurka sendo erantzungo dutela ere gaineratu dute.

Ikusi gehiago: Jendetza elkartu da Iturramako auzo batzarrean, Ezpala tabernako erasoa gaitzesteko

Manifestariek elkartasuna adierazi diete Ezpalako langileei eta eraso egin zietenei. Manifestazioaren amaieran horietako hainbat tabernara joan ziren, berriro ireki baitute. Asteartean egin zioten erasoa Ezpala tabernari. Burua estalia zeramaten hainbat lagun tabernara sartu, eta txikitu egin zuten. Han zeuden lau laguni ere egin zioten eraso.

Egun horretan Osasuna-Bartzelona gizonezkoen futbol partida jokatu zen, eta erasoa Bartzelonako ultrek egin zutela uste da. Ezpala taberna Indar Gorriko kideen ohiko bilgune da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Frantziako eta Irlandako selekzioetako jokalariak, lehian, iaz bi taldeek Parisen jokatutako partidan. ©MOHAMMED BADRA / EFE

Sei Nazioei Torneoari ekingo diote gaur

Iñaki Berastegi

Gaur hasiko da Sei Nazioen Torneoa, eta Frantzia eta Irlanda dira hura irabazteko faboritoak. Irailean Frantzian jokatuko den Munduko Txapelketari begira daude selekzioak

 ©Jagoba Manterola-Julio Muñoz / foku-efe

Esku onetan egotearen patxada

Eñaut Agirrebengoa

Berme osoko bi atezain ditu Osasunak: Aitor Fernandez eta Sergio Herrera. Bata finko bihurtu da ligan, eta bestea ikusgarri dabil Kopan. Haien arteko lehia «taldearentzat mesede» dela dio Asier Riesgok

Osasunak arretari eutsi nahi dio, eta Espanyoli etxetik kanpo irabazi

Osasunak arretari eutsi nahi dio, eta Espanyoli etxetik kanpo irabazi

Eñaut Agirrebengoa

Kopaz ahaztu eta ligan bide onera itzultzen saiatuko dira gaur nafarrak. Aimar ez dago jokatzeko moduan, ezta Vidal eta Peña ere

 ©IÑIGO URIZ / FOKU

«Oso garai politean bizi naiz orain; gozatzen ari naiz»

Julen Etxeberria

Hirugarrenez jarraian ordezkatuko du Mariezkurrena, eta hirugarrenez irabazi nahi du Peñarekin. Haren ustez, enpresari erakutsi dio «kontuan hartu» behar dutela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...