Albistea entzun

Osakidetza

Galdakaoko ospitaleko sei medikuren kontratuak hautsi ditu Osakidetzak

Beren lan karga %20 handitu dela salatu dute berriki, ELAk jakinarazi duenez. Basurtuko mediku buruek «ezkutuko pribatizazioa» salatu dute.

Galdakaoko ospitaleko ZIU gunea.
Galdakaoko ospitaleko ZIU gunea. MIGUEL TOÑA / EFE Tamaina handiagoan ikusi

Xabier Martin -

2022ko azaroak 14

Osasun zerbitzuen ahultzearen inguruko eztabaida indar hartzen ari da aspaldian, eta Galdakaoko ospitaletik iritsi den albiste batek ez du lagunduko su hori amatatzen. Larrialdietako sei medikuren kontratuak hautsi ditu Osakidetzak, eta mediku horiek gehiegizko lan kargak salatu zituzten joan den astean, ELA sindikatuak jakinarazi duenez. Beren zeregina %20 hazita zegoela plazaratu zuten Galdako-Usansoloko ospitaleko sendagile horiek, azaroaren 9an, eta azaldu zuten gainkarga horrek larrialdietako zerbitzuaren kalitateari eragiten ziola. Sindikatuak aditzera eman du Osakidetzaren erantzuna kaleratzea izan dela.

ELAk deitoratu egin du medikuen kaleratzea, eta esan du Osakidetzak ez duela «inolako soluziorik eskaini» larrialdien egoera hobetzeko. Alderantziz, sindikatuak dio kaleratze horiek «are gehiago» okertuko dituztela Galdakaon aritzen diren medikuen lan baldintzak.

Horiek horrela, ELAk bilera bat eskatu die Osakidetzako arduradunei lehenbailehen, «hausnartu dezaten» gertatutakoaren inguruan, eta egin dezaten apustu bat «lantaldearen baldintzak hobetzearen alde». Halaber, mobilizazioak iragarri ditu kaleratutako medikuak berriro har ditzaten beren lanpostuetan, Galdakaoko ospitaleko larrialdietan.

Mediku buruen salaketa

Galdakaon bakarrik ez, Osakidetzari beste fronte bat piztu zaio Bizkaiko beste ospitale handi batean, Basurtun hain zuzen, hango mediku buruek kritika gogorra egin baitiote Eusko Jaurlaritzari Osakidetzan egiten ari den kudeaketaren harira. Erietxeko 38 mediku buruetatik 36k izenpetu dute «neurri okerrak» eta medikuen falta aipatzen dituen gutun bat. Sendagile buru horiek diote gobernua «tematu» egin dela «okerreko neurriekin» bihotz kirurgiaren kasuan, eta uste dute «Osakidetzaren arazorik larrienaren soluzioetan sartu gabe» jarraitzen duela exekutiboak: «Ez daude ez medikuak ez erizainak».

Gainera, ohartarazi dute osasun alorreko profesionalen gabezia horrek «oso azkar okerrera» egingo duela, erretiroak direla eta. Medikurik eza bi gunetan eragiten ari da Basurtun, sinatzaileen arabera: larrialdietan, %30eko gainkargarekin, eta suspertzean, behar diren baino erizain gutxiago daudelako. «Ezkutuko pribatizazioa» dago horren atzean, Basurtuko mediku buruek idatzita utzi dutenez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lezetxikiren Lagunak taldekoek ateratako argazki batzuk, Lezetxikoko galeria suntsituan. ©LEZETXIKIREN LAGUNAK

AHTaren tunel batek Lezetxikin kalteak egin dituela salatu dute

Xabier Martin

Aztarnategi baliotsuaren gertuko galeria bat suntsitu du tunelak, espeleologo batzuek dokumentatu dutenez. Euskal Herriko giza aztarnarik zaharrenak topatu dituzten lekua da Arrasateko koba
Osasun langile bat, atzo, Nafarroako Ospitale Unibertsitarioaren kanpoaldean. ©IÑIGO URIZ / FOKU

Osasunbideko gehiengo sindikalak grebara joko du, Sindikatu Medikotik bereiz

Ion Orzaiz

LAB, SAE, UGT, ELA, Afapna eta CCOOk hilaren 15erako egin dute deialdia. «Osasun publikoaren kalitatea eta lan baldintzak» hobetzea daukate xedetzat. Negoziazioa gobernuaren eta Sindikatu Medikoaren artean egin izana salatu dute
Bidaiari batzuk, Donostiako autobus geltokian. ©GOTZON ARANBURU / FOKU

Ibilbide luzeko autobusak doakoak dira jada ohiko bidaiarientzat Hegoaldean

Jone Arruabarrena

Berme bat ordaindu beharko da, eta gutxieneko bidaia kopuru bat egin
Euskal Herriko mugimendu feministaren agerraldia, atzo, Gasteizen. ©ENDIKA PORTILLO / FOKU

Zaintza sistema «eraldatzeko» mobilizatuko da mugimendu feminista

Edurne Begiristain

Lehen mugarria Martxoaren 8an ezarriko du Euskal Herriko mugimendu feministak. Zaintza «erantzukizun soziala» bilakatzea izango du helburu borroka dinamikak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...