Albistea entzun

Ospitaleetako amatasun unitateen segurtasuna zorroztuko du Eusko Jaurlaritzak

Besteak beste, identifikazio txartel elektroniko bidezko sistema bat ezarriko da amatasun unitateetan sartzeko. Basurtuko jaioberri baten lapurretaren ostean indartuko ditu neurriak.

Basurtuko erietxea
Basurtuko erietxea Marisol Ramirez / Foku Tamaina handiagoan ikusi

Edurne Begiristain -

2022ko azaroak 15

Joan den urrian Basurtuko (Bizkaia) ospitalean jaioberri bat lapurtu ondotik, Araba, Bizkai eta Gipuzkoako ospitaleetako amatasun unitateen segurtasuna eta jaioberrien protokoloa indartzea erabaki du Eusko Jaurlaritzak. Gotzone Sagardui Eusko Jaurlaritzako Osasun sailburuak eman du horren berri, gaur, Eusko Jaurlaritzaren gobernu bileraren ostean. Pazientearen segurtasuneko adituen taldeak egindako gomendioei jarraikiz hartuko ditu neurriak: amatasun unitateetako langileen identifikazioari eta zaintzaileen eta bisitarien sarbideari lotuta daude horiek. Besteak beste, identifikazio txartel elektroniko bidezko sistema bat ezarriko da amatasun unitateetan sartzeko, hala, aurrerantzean, langileek eta senideek erabili beharko dute sistema hori. Horrez gain, ospitaleetako sarbideetan hobekuntzak egingo dira, eta eraikinen kanpoaldean kameren bidezko zaintza sistemak indartuko dituzte. Basurtuko ospitalearen kasuan, pabiloiaren alboetako ateak itxi egingo dira, eta alarma bat jarriko da larrialdietako atean.

Zazpi amatasun unitate daude hiru lurraldeetako ospitaleetan: bat Araban, bi Bizkaian eta lau Gipuzkoan. Guztietan indartuko dira segurtasun neurriak, Sagarduik azaldu duenez. Neurri batzuk martxan jartzen ari direla esan du Sagarduik, baina beste batzuk —eraikinetako segurtasunari dagozkionak— ospitale bakoitzaren ezaugarrien arabera moldatuz joango dira.

Eraikinetako segurtasun neurriak zorrozteaz gain, jaioberrien protokoloa «modu eraginkorragoan» zabaltzeko neurriak hartuko dira amatasun unitateetan. Pazientearen segurtasuna lantzen duen taldeak gomendio batzuk egin ditu alde horretatik. Ez nazazue bakarrik utzi izeneko protokoloa idatziz emango zaie beti gurasoei, eta kanpainaren infografiak eta kartelak paratuko dira logeletan. Langileen identifikazioari eta uniformeei dagokienez, taldeak proposatu du langileek beti txartel pertsonala soinean eramatea, eta uniformeen zaintza berrikustea eta hobetzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alberto Perez, Sindikatu Medikoko burua, atzoko agerraldian. ©AITOR KARASATORRE / FOKU

Osasunbidearen eskaintza medikuei: soldata igoera eta 32 paziente egunean

Ion Orzaiz

Nafarroako Gobernuak «asmo handiko eskaintza» egin dio Sindikatu Medikoari, greba eragozteko. Esklusibotasuna kenduko lukete, baina trabak jarrita sare publikoan eta pribatuan aldi berean aritzeari
Pilar Alegria Espainiako Hezkuntza ministro eta PSOEko eleduna, atzo egindako agerraldian. ©FERNANDO ALVARADO / EFE

'Soilik baietz da baietz' legea aldatzea Kongresuan proposatuko du PSOEk

Maite Asensio Lozano

Berdintasun Ministerioak ez du uste moldaketak zigor berrazterketen auzia konponduko duenik
Donostia ospitaleko zerbitzuburuen protesta bat, abenduan. ©JON URBE / FOKU

Negoziazioa «bideratuta» egon arte protestan segituko dute Donostia ospitalean

Julen Aperribai

Elkarretaratzea egin dute berriro ere. »Kronograma» bat bidali zioten Osakidetzako zuzendaritzari, eta horren erantzuna jaso zain daude
Irabia-Izagaren Izaga egoitza, Cordovillan, artxiboko irudi batean. ©IÑIGO URIZ / FOKU

Nafarroak batxilergoko ituna eten die ikasleak sexuka bereizten dituzten eskolei

Ion Orzaiz- Irati Urdalleta Lete

Hezkuntza Departamentuaren esanetan, Opus Deiren bi eskolek, Miravalles-Redinek eta Irabia-Izagak, «ez dituzte betetzen itunerako ezaugarriak»

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.