Albistea entzun

Energia

Energia krisi globala ziztu bizian ari da indartzen berriztagarrien hazkundea

Energia segurtasunaren inguruko kezkak areagotu egin ditu inbertsioak. IEAren arabera, eguzki energia fotovoltaikoak 2027an gaindituko du ikatza

Eguzki plakak eta haize errotak Dongtain, Txinako Jiangsu probintzian.
Eguzki plakak eta haize errotak Dongtain, Txinako Jiangsu probintzian. ALEX PLAVEVSKI/ efe Tamaina handiagoan ikusi

Irune Lasa -

2022ko abenduak 6

Zenbat aldatu diren gauzak urte bakarrean. Ukrainako gerrak, besteak beste, hankaz gora jarri du energiaren mundua, eta energia segurtasunaren inguruko kezkak «ziztu bizian indartu» du energia trantsizioa, IEA Nazioarteko Energia Agentziaren ustez. Hortik, adibidez, energia berriztagarrientzat iaz egindako hazkunde iragarpenak %30 handitu behar izan ditu orain IEAk.

«Itzelezko booma ikusten ari gara berriztagarrietan, mundua osoan», azaldu du gaur Fatih Birol IEAko presidenteak. «Azken hogei urteetan hazitakoa adina handituko da berriztagarrien potentzia instalatua munduan hurrengo bost urteetan. Itzelezko hazkundea».

Berriztagarrien zabalkunderako arrazoi nagusia orain arte klima larrialdia izan bada ere, orain beste bi elementu berri agertu dira, hazkundea «ziztuan indartzen» ari direnak. Bat energia segurtasuna da: «Herrialde asko ari dira berriztagarriak aukera gisa ikusten energia segurtasunerako; hori agerikoa da Europan».

Hazkunderako beste pizgarri berria energiaren prezioak dira, Birolen aburuz. «Badakigu azken urteetan berriztagarrien kostuak jaitsi egin direla, baina orain horri gehitu behar zaizkio energia fosilen prezio handi eta aldakorrak. Gas eta ikatz garestiak prezioetan lehiakorrago egin ditu berriztagarriak».

Berriztagarriak nagusi 2025erako

Errekor bat bestearen atzetik ari dira hausten berriztagarriak, eta IEAko presidenteak gutxi batzuk azpimarratu ditu, hala nola oso urte gutxian, 2025. urtean, argindarra sortzeko modu nagusia izango direla.

Soilik plaka fotovoltaikoen potentzia instalatuak gaindituko du gas naturala 2026. urtean, eta ikatza bera 2027an. Energia eolikoaren hazkundea ere esanguratsua izango da, eta potentzia instalatua bikoiztu egingo da datozen bost urteetan.

Txinan gertatuko da berriztagarrien hazkunde handi horren zatirik handiena —erdia inguru—, aurten onartutako bost urteko plana betetzen bada. India, Europa eta AEBak izango dira berriztagarrien hedapenerako beste zona handiak.

Eguzki energiari buruzko beste datu interesgarri bat ere eman du Birolek. «Gaur egun Txinan egiten dira panel fotovoltaikoen %90. Gure aurreikuspenen arabera, Indiak eta AEBek orain gutxi abiatutako politiken ondorioz, 2027. urtean ekoizpenaren %75 hartuko du Txinak».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lan merkatuan ere nabaritu da urtarrileko aldapa

Jokin Sagarzazu

Lanbidek eta Lansarek abenduan baino 2.495 langabe gehiago erregistratu dituzte, ia denak emakumeak. Gizarte Segurantzak 12.237 afiliatu galdu ditu hilabete batetik bestera
Sindikatuen banderak Hezkuntzako langileen manifestazio batean, iragan azaroan. ©Marisol Ramirez / Foku

ELA garaile hauteskundeetan, azken urtean indarra galdu arren

Iker Aranburu

Mitxel Lakuntzaren sindikatuak Hego Euskal Herriko ordezkaritzaren %36,08 dauka. Oso atzean ditu CCOO (%19,99) eta LAB (%18,95), baina hori da 2018ko azken epealdi trinkotik ordezkaritza handitu duen bakarra.

Christine Lagarde EBZko presidentea, gaur. ©FRIEDEMANN VOGEL / Efe

EBZk %3ra igo ditu interesak, eta martxoan %3,5era iristeko asmoa du

Iker Aranburu

Eurogunea atzeraldian ez sartzeak eta inflazioa jaisteak ez du banku zentrala iragarritako bidetik atera. Interes tasak mugatik «urrun» daudela esan du Lagardek

Carolina Perez Toledo Cebekeko presidentea eta Fancisco Azpiazu idazkari nagusia. ©Monika Del Valle / FOKU

Cebekek enpresen lehiakortasuna handituko duen zerga erreforma bat eskatu du berriz

Imanol Magro Eizmendi

Bizkaiko patronala «absentismo» handiaz kezkatuta dago, baina onartu du langileen zahartzeak eragina duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...