Albistea entzun

«Konstituzioa apurtzera» deitu du Jarki antolakundeak Iruñean

Espainiako Konstituzioaren Eguna izaki, berrehun lagun inguruk manifestazioa egin dute iluntzean. 'Mugak gaindituz, Euskal Herri sozialista eraiki' izan dute lelo.

Jarki antolakundeak deiturik Iruñean eginiko protesta.
Jarki antolakundeak deiturik Iruñean eginiko protesta. Jagoba Manterola/FOKU Tamaina handiagoan ikusi

Uxue Rey Gorraiz -

2022ko abenduak 6 09:41

Jarki antolakundeak deiturik, berrehun herritar inguruk manifestazioa egin dute iluntzean Iruñean. Espainiako Konstituzioaren Eguna izaki egin dute mobilizazioa gaur, dokumentu horri lotua izan baita ozendutako aldarria: «Konstituzioa apurtzera» deitu dute, eta Mugak gaindituz, Euskal Herri sozialista eraiki lelopean egin dute martxa.

Espainiako konstituziora mugatu ez, eta Frantziako konstituzioari ere erreparatu diote manifestazioaren amaieran eginiko adierazpenetan. Izan ere, nabarmendu dute biek ala biek «legeztatu» egiten dutela «Euskal Herri langilearen aurkako jazarpena», bai eta itxurazko zilegitasuna eman ere. Halaber, diotenez, Euskal Herriko lurraldearen zatiketak asmo argia du: «Nazio izaera eta identitatea deuseztatzeko baldintzak sortzea».

Hala, salatu dute konstituzioen babesean ondutako legeek «otzan» nahi dituztela langileak, eta irmoki adierazi dute aukera bakarra dagoela horri aurre egin eta jazarpenari aterabidea emateko: «Euskal Herri independente eta sozialistaren eraikuntza». Zehaztu dute «erdibideko proposamenek» edo «autonomismoak» ez direla aukera onargarriak, «Espainiak eta Frantziak baliatu egiten dituztelako, euskal burgesiaren kolaboraziorako». Horren adibideak ere eman dituzte, burujabetzari loturik: «Erregimen autonomikoaren eta Euskal Elkargoaren iruzurra».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

 ©BERRIA

KONTRAPISUAK DUEN PISUA

Iosu Alberdi

Mendeetako eztabaida da, azkenaldian sarri loratu dena: botere judizialak zenbateraino betetzen duen exekutiboaren eta legegilearen kontrolatzaile rola, eta noiz igarotzen duen herri borondatea ordezkatzearen muga. Adituek beharrezkotzat jotzen dute erakunde publikoen kontrola, baina baita «oreka» ere.
Bilbon udaletxe aurrean amaitu zen atzo GKSren manifestazioa. ©OSKAR MATXIN EDESA / FOKU

Langileak «subjektu politiko independente» moduan egituratzera deitu du GKSk

Maite Asensio Lozano

Manifestazio jendetsuak egin ditu Gazte Koordinakunde Sozialistak Bilbon eta Iruñean. «Bankariak eta enpresari handiak» jo dituzte pobretzearen erruduntzat

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...