Albistea entzun

Alemania

Eskuin muturreko 22 pertsona atxilotu dituzte Alemanian, erakunde terrorista bateko kide izatea leporatuta

Estatu kolpe bat prestatzen ari zirela jakinarazi du Fiskaltzak. Alemaniako Parlamentua hartzeko asmoa zuten, eta, horien artean, militar ohiak daude. Horiez gain, beste hiru jarraitzaile ere atxilotu dituzte.

Alemaniako Polizia, Berlinen, sarekadan. /
Alemaniako Polizia, Berlinen, sarekadan. / FILIP SINGER/EFE Tamaina handiagoan ikusi

Jon Ordoñez Garmendia -

2022ko abenduak 7 12:14

Alemaniako Fiskaltzak jakinarazi du eskuin muturreko 22 pertsona atxilotu dituztela, erakunde terrorista bateko kide izatea leporatuta. Fiskaltzaren arabera, estatu kolpe bat prestatzen ari ziren, eta «estatuaren ordezkarien kontra indarkeria erabiltzeko asmoa zuten», baita horiek hiltzeko ere. 22 pertsona horiez gain, beste hiru jarraitzaile ere atxilotu dituzte.

Eskuin muturreko erakunde hori iazko azaroan sortu zutela dio Fiskaltzak. «Alemanian ezarritako ordena aldatu eta beste estatu forma batekin ordezkatzea ezarri dute helburu», gaineratu du. Alemaniako «ordena liberal demokratikoaren» eta estatuaren erakundeen kontra egoteak batzen dituela azaldu du, eta hasiak zirela jada sistema «bortizki ezabatzeko» prestaketa lanetan.

Atxilotuetako batzuk Alemaniako armadako militar ohiak direla jakinarazi dute. Fiskaltzak dio erakunde horrek kontseilu bat eta adar militar bat zituela, eta azken horri zegokiola boterera borroka armatuaren bitartez iristea. Fiskaltzaren arabera, bi buru zituen erakunde horrek, biak ere alemaniarrak. Atxilotu dituzten jarraitzaileetako bat errusiarra da. Jakinarazi dute beste 27 pertsonaren aurka dagoela zabalik sarekada.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Peruko Polizia herritar bat atxilotzen, Boluarteren aurkako manifestazio batean, atzo, Liman. ©Antonio Melgarejo / EFE

Peruko bozak urrira aurreratzeko lege proiektua aurkeztu du gobernuak

Mikel O. Iribar

Hain zuzen, Kongresuak hauteskundeak abendura aurreratzeari ezezkoa eman ondoren heldu da gobernuaren erabakia. Proposamen horren arabera, Boluarteren agintaldia abenduaren 31n amaituko litzateke.

 ©KETTY MARCELO LOPEZ

«Perun hil egiten gaituzte; diktadura zibiko-militar batean bizi gara»

Mikel O. Iribar

Buruzagi indigenak azaldu duenez, Castilloren atxiloketa «bidegabeak» ez ezik, Perun duten krisi sozialak eta arrazakeriak ere eragin dituzte egungo protestak: «Ez dugu amore emango».
Goizaldean bonbardatutako eraikinetako bat, Kramatorsken. / ©Segey Shestak, EFE

Hiru pertsona hil dira etxebizitza eraikin baten aurkako bonbardaketan Ukrainan

Arantxa Elizegi Egilegor

Kievek ohartarazi du Errusiak «erasoaldi handi bat» hasteko asmoa duela gerra hasieraren urteurrenean. Europako Batzordeko presidentearen bisita baliatuta, Zelenskik zigor gehiago eskatu ditu Moskuren aurka.

Protesta bat Jeninen, Gazan, joan den ostiralean, Zisrdanian egindako sarekadak salatzeko. / ©Mohammed Saber, EFE

Israelek 224 palestinar hil zituen iaz, tartean 53 adingabe

Arantxa Elizegi Egilegor

Goizaldean, Israelgo armadak Gazako hainbat eremu bonbardatu ditu. Ez da zauriturik egon.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.