Euskal presoak

Mikel Irastorza preso ohia urtarrilean epaituko dute, Parisen

Gaizkile talde bateko kidea izatea leporatzen diote Lapurdin bizi den donostiarrari.

Baldintzapean aske utzi ostean Mikel Irastorzari -erdian, loreekin- Baionako tren geltokian egindako harrera, 2017an. Euskal Irratiak Tamaina handiagoan ikusi

2022ko abenduak 8

Epaitzeko data ezarri diote Mikel Irastorza preso ohiari. Urtarrilaren 5ean egingo diote epaiketa, Parisen.

Azkainen (Lapurdi) atxilotu zuten, 2016. urtean, eta gaizkile talde bateko kidea izatea leporatzen diote. Harekin batera atxilotu zituzten Xabier Arin eta Denise Elizagoien kontrolpean aske utzi zituzten, eta auzitik kanpo geratu dira.

Irastorzak ere epaitegiaren kontrolpean igaro ditu azken bost urte hauek. Kazetari lanetan aritu da Lapurdin.

Espainiako Barne Ministerioak ETAko kidetzat aurkeztu zuen atxilotu zutenean. Operazioa ETAren aurkako «kolpe gogorra» izan zela adierazi zuen, eta Irastorzari egotzi zion ETAren logistikan aritzea. Halere, 2017. urtean aske utzi zuten, eskumuturreko elektronikoa jarrita.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna