Albistea entzun

Israel

Netanyahuk gobernua eratzeko akordioa itxi du ultrekin eta muturreko ortodoxoekin

Shas eta Sionismo Erlijiosoa alderdien esku geldituko dira, besteak beste, Barne eta Ogasun ministerioak. Smotrich ultranazionalistak Zisjordaniaren gaineko botere handia pilatuko du.

Benjamin Netanyahu Israelgo lehen ministro ohia, herrialdeko parlamentuan, joan den azaroaren 15ean.
Benjamin Netanyahu Israelgo lehen ministro ohia, herrialdeko parlamentuan, joan den azaroaren 15ean. ABIR SULTAN/EFE Tamaina handiagoan ikusi

Gorka Berasategi Otamendi -

2022ko abenduak 8

Benjamin Netanyahu Israelgo azken hauteskundeetako irabazleak lortu du gobernua eratzeko babesa ziurtatzea. Ituna adostu du agintera itzultzeko bidea zabalduko dioten eskuin muturreko alderdiekin eta ultraortodoxoekin. Azken akordioa Shas alderdiarekin itxi du, bart.

Itunak jasotzen duenez, Shas alderdiko buru Aryeh Deri errabinoa Barne eta Osasun ministro izango da agintaldiaren lehen erdian, eta Ogasun ministro bigarrenean. Kargu horiek trukatuko ditu Sionismo Erlijiosoa alderdiko lider Bezalel Smotrichekin. Azken horrek Zisjordaniaren gaineko botere handia pilatuko du, bere esku geldituko baitira eskualde okupatuaren administrazioa kudeatzeko erakundeak. Esaterako, bere eskumenen artean izango da Zisjordaniako eraikuntza baimenen banaketa, eta, hain justu, Palestinako lur horietan daude Israelen kolonien %60.

Dena den, Derik hitzartutako ministro karguak har ditzan, zenbait lege aldaketa bultzatu beharko ditu aurretik Netanyahuk. Errabinoa zerga iruzurragatik zigortuta dago, eta Israelgo legeak debekatu egiten du kondenatutako herritarrek ministro ardurak bere gain hartzea. Gauzak horrela, Netanyahuren aldeko blokeak presio egin dio parlamentuari datorren astelehenean presidente berria izendatu dezan, lege aldaketak ahal bezain azkar abian jartze aldera.

Aldaketa horien artean, espero da Netanyahuk baliogabetze klausula delakoa ezabatzea. Klausula horrek parlamentuari eragozten dio Israelgo Auzitegi Gorenak legez kanpokotzat jotako erabakiak berriz ere onartzea. Horrenbestez, oztopo izan ahalko litzateke Deriren izendapenerako. Kritikoek ohartarazi dute klausula hori indargabetzeak botere judizialaren eta botere legegilearen arteko banaketa urratuko lukeela.

Gobernua eratzeko epea datorren epean amaitzen da, baina Netanyahuk denbora beharko du oraindik aginterako bidea zabaltzeko. Hori dela eta, parlamentuari epea luzatzeko eskatuko diola ere espero da.

Lehen ministro ohiak 15 urtez gobernatu du Israel (1996-1999 eta 2009-2021), eta boterera itzultzeko aukera du joan den azaroaren 1etik, Likud bere alderdiak irabazi zituelako parlamenturako bozak. Likudek 32 diputatu eskuratu zituen 120tik, baina Netanyahuk haren aldeko blokea eratzea lortu du eskuin muturreko Sionismo Erlijiosoa, Botere Judua eta Noam alderdiekin, eta Shas eta Judaismo Batua ultraortodoxoekin. Orotara, 64 diputaturen babesa izango du horrela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ponsati Generalitateko kontseilari ohia, Puigdemont presidente ohia, Puig kontseilari ohia eta Boye abokatua, atzo, Bruselan. ©LEO RODRIGUEZ / EFE

Erbesteratu katalanak Espainiaratzea baztertzeko irizpideak, zehaztuta

Gorka Berasategi Otamendi

EBko Justizia Auzitegiak ebatzi du Belgikak Espainiako justiziaren «gabezia sistemiko bat» frogatu behar duela haren euroagindu bat baztertzeko. Ez da guztiz lerratu, ez independentistekin, ez Llarenarekin
AEBetako gerra abioi batzuk, Ozeano Atlantikoko hegazkinontzi batean. ©STEPHANIE LECOCQ / EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Borrokarako hegazkinak Kievi entregatzea aztergai dute, baina aliatuek ez dute jarrera bateraturik. AEBek eta Berlinek ezetz esan dute
Carles Puigdemont (erdian) Luxenburgoko auzitegiaren epaia baloratzen, gaur, Europako Parlamentuan, inguruan Clara Ponsati, Gonzalo Boye, Lluis Puig eta Toni Comin dituela. ©Berria

Erbesteratu katalanek ezingo dituzte Belgikaren argudioak erabili Llarenaren euroaginduak baztertzeko

Gorka Berasategi Otamendi

Europako Batasuneko Justizia Auzitegiak ebatzi duenez, batasuneko estatu kide batek ezin dio uko egin beste kide baten euroagindu bati, frogatu ezean azken horrek sistematikoki urratzen dituela eskubideak.

AEBetako F-16 hegazkin batzuk ariketa militarrak egiten Hego Korean ©EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Auzia mahai gainean dago, baina Mendebaldeak ez du jarrera bateraturik. Macronen arabera, hainbat aldagai hartu beharko lirateke kontuan borrokarako hegazkinak entregatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...