Albistea entzun

Pentsioak

Kotizazio aldia berriro 15 urte izatea eskatu dute pentsiodunek

Salatu dute kalkulatzeko urte kopurua handitzeak etorkizuneko pentsioak murriztea duela helburu

Pentsiodunen mugimenduaren protesta bat
Pentsiodunen mugimenduaren protesta bat Idoia Zabaleta (Foku) Tamaina handiagoan ikusi

Jokin Sagarzazu -

2022ko abenduak 9

Pentsiodunen hainbat elkartek, tartean Euskal Herriko Pentsiodunen Mugimendua dela, adierazpen bat sinatu dute, eta, besteak beste, arbuiatu dute Espainiako Gobernuko Gizarte Segurantzako Ministerioak pentsioak kalkulatzeko epea 30 urtera luzatzea (bi okerrenak baztertuta), eta berriro 15 urteko epea ezartzeko eskatu dute, 2011. urteko erreformaren aurretik indarrean zegoen bezala (geroztik 25 urtekoa da).

Elkarte horiek salatu dutenez, pentsioa kalkulatzeko urte kopurua handitzeak «etorkizuneko pentsioak murriztea baino ez du helburu». Gogoratu dute hainbat mobilizazio antolatu dituztela azken hilabeteetan, eta ohartarazi dute «kalean» jarraituko dutela asmo hori geldiarazteko. «Talde politikoak eta gobernuak estu hartzen jarraituko dugu, gure eskaerak bete ditzaten eta konpromisoak bete ditzaten».

Pentsioen kalkulu aldia berriro 15 urte izateaz gain, beste eskaera batzuk egin dituzte: 2021ean eta 2022an pentsioek galdutako erosahalmena berreskuratzea; urte arteko KPI metatuaren (KPI erreala) arabera handitzea; gutxieneko pentsioak igotzea, lanbide arteko gutxieneko soldatarekin parekatzeko; koefiziente murriztaileak ezabatzea 40 urtetik gorako kotizazio karrerei; eta pentsioei buruzko negoziazioetan solaskide gisa parte hartzea, besteak beste.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Haize errotak Bretainiako kostaldean, Sant Nazertik gertu. ©STEPHANE MAHE / EFE

IEAren arabera, 2025erako berriztagarriak izango dira argindar iturri nagusia

Paulo Ostolaza

Nazioarteko Energia Agentziak kalkulatu duenez, argindar eskariak gora egingo du, Asiak bultzatuta. Iturri berriztagarriek eta nuklearrak aseko dute eskari berria

LAB sindikatuaren mobilzazioa, asteazken honetan ©Guillaume Fauveau

LABek pentsio sistema propioa aldarrikatu du

Berria

Manifestazioa egin du Hendaia eta Irun artean. Euskal Herriko alderdi politikoak deitu ditu Madrilen eta Parisen murrizketa gehiago ez onartzera. Frantziako sindikatu nagusiek beste mobilizazio egun bat antolatu dute hilaren 16rako.

Novaltiako eta Vulcanizados Zuloagako grebalariak protestan, Lan Ikuskaritzaren Bilboko egoitzaren atarian. ©ELA Bilbo

Enpresen «konplize» izatea egotzi diote Novaltiako eta Vulcanizados Zuloagako grebalariek Lan Ikuskaritzari

Iñaut Matauko Rada

Ikuskaritzaren egoitzaren atarian elkarretaratzea egin dute grebalariek. Greba eskubidea «etengabe» urratzen zaiela gogorarazi dute.

Zentral eoliko bat Yanchengen (Txina). 2025. urtean Txinarena izango da munduko energia eskariaren heren bat. ©ALEX PLAVEVSKI / EFE

Hiru urte barru berriztagarriak izango dira munduko argindar iturri nagusia

Paulo Ostolaza

Ikatza gaindituko dute, IEA Nazioarteko Energia Agentziaren arabera. Datozen hiru urteetako eskariaren igoera ere energia berriztagarriekin eta nuklearrarekin aseko da ia erabat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...