Putinek debekatu egin du Errusiako petrolioari gehienezko prezioa ezarri dioten herrialdeetara esportatzea, gaur sinatu duen dekretu baten bidez. Abenduaren hasieran, Europako Batasunak hirugarren herrialdeei debekatu egin zien Errusiako petrolioa upeleko 60 euro baino gehiago ordaintzea, eta komunitateko herrialdeei Errusiako petrolio oro inportatzea, salbuespenak salbuespen. 2023ko otsailaren lehenean sartuko da indarrean dekretua, eta bost hilabete iraungo du gutxienez, uztailaren lehenera arte.
Hala, Putinen gobernuak «kontratuetan Errusiako petrolioari eta eratorriei gehienezko prezioa ezarri nahi dietenak» hornitzea debekatu nahi du. Errusiako Energia Ministerioaren esku egongo da kontrolatzea kontratuetan presidentearen dekretua betetzen den edo ez.
