Albistea entzun

Jaurlaritzak baztertu egin du Iritzi Azterlanen Zentro bat sortzeko lege proposamena

EH Bilduk aurkeztu zuen lege proposamena, egun Prospekzio Soziologikoen Kabinetea lehendakariaren konfiantzazko kargudun batek zuzentzen duelako, eta «irizpide eta interes politikoei lotuta» dagoela argudiatuta.

ETBko irudi batean bozetako inkesta baten berri ematen.
ETBko irudi batean bozetako inkesta baten berri ematen. EITB Tamaina handiagoan ikusi

Berria -

2023ko urtarrilak 24 13:50

Iritzi Azterlanen Zentro bat sortzeko EH Bilduk aurkeztutako lege proposamenak ez du aurrera egingo, Eusko Jaurlaritzak baztertu egin duelako proposamen hori. Bi argudio nagusi eman ditu Bingen Zupiria Eusko Jaurlaritzaren eledunak: batetik, Prospekzio Soziologikoen Kabinete bat badagoelako; eta, bestetik, «objektiboak, profesionalak eta teknikoak» diren irizpideak betetzen dituelako. Esan du kontratazioak publikoak direla eta garden esleitzen direla.

Zupiriaren irudiko, gizartearen egoerari eta bilakaerari buruzko lan informatibo hori egiten du egun indarrean den kabineteak. Eta berretsi du informazio guztia datu basean dagoela denen eskura. Lan hori pertsona zailduek egiten dutela gaineratu du: «Haien independentzia, profesionaltasuna, objektibotasuna eta neutraltasuna egiaztatua dago». Zupiriaren esanetan, onespen publiko bat badu gizartean, eta horregatik uste dute ez dela beharrezkoa beste egitura bat sortzea.

EH Bilduko legebiltzarkide Josu Estarronak aurkeztu zuen Iritzi Azterlanen Zentroa sortzeko proposamena urtarrilaren 11n. «Hamabost urteren ondoren, Prospekzio Soziologikoen Kabinetea lehendakariaren konfiantzazko kargudun batek zuzentzen du gaur egun ere, eta Urkulluren gobernuaren irizpide eta interes politikoei lotuta dago», haren esanetan.

Koalizio subiranistaren arabera, «ukaezina» da gizarte zientziek errealitatean eragiten dutela, eta litekeena dela inkestek «iritzia sortzeko eta joerak markatzeko» balio izatea. «Erraza da ikustea unean uneko gobernuek tentazioa izan dezaketela inkesta horiek euren interes politikoen arabera erabiltzeko», esan zuen Estarronak; «horregatik da hain garrantzitsua Prospekzio Soziologikoen Kabineteetan autonomia osoa, neutraltasuna, gardentasuna eta objektibotasuna bermatzea, Gobernuaren gidalerro eta interes politikoetatik urrun».

Hain zuzen, Gizaker eta Ikerfel iritzi-azterketa enpresak dira Arabako, Bizkaiko eta Gipuzkoako erakundeen inkesta eskaeren onuradun nagusiak; eta Eusko Jaurlaritzari, Arabako, Bizkaiko eta Gipuzkoako foru aldundiei eta EITBri dagokienez, onuradun bakarrak, 2022an eskatu dituzten hauteskundeei buruzko inkestak aintzat hartuz gero. Azken urteetako errealitatea baizik ez du berretsi joan berri den urteak. Soziometroak eta EITB Focus galdeketak egiteko bederatzi inkesta eskatu dituzte Gasteizko gobernuak, hiru aldundiek eta EITBk, eta horiek guztiak Gizakerrek eta Ikerfelek egin dituzte. Besteak beste, Gizaker iritzi azterketen sektoreko bazkide zuzendaria Jon Urresti da, EAJko militante ezaguna eta Vital fundazioko presidentea, jeltzaleen proposamenez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sare Herritarrak antolatutako manifestazioa, Bilbon. ©Jaizki Fontaneda / Foku

Baldintzapean aske geratu da Jesus Mari Gomez euskal presoa

Iosu Alberdi

Gomezek 22 urte eta erdi egin ditu espetxean. 2021eko irailetik hirugarren graduan zegoen.

'Mozal legearen' aurkako protesta bat Gasteizen, iazko otsailean. ©Jaizki Fontaneda / Foku

'Mozal legea' aldatzeko txostenak aurrera egin du, ERCk bide emanda

Jon O. Urain

Espainiako Kongresuko Barne Batzordean eztabaidatuko dute gaiaz, baina orain arteko testuak aurrera egin du desadostasunak dauden lau puntuetan ados jarri gabe.

Ikasle Abertzaleen agerraldia, atzo, Gasteizen. ©BERRIA

IAk salatu du 34 ikasleri espedientea irekiko dietela

Berria

Manifestazio bat egingo dute otsailaren 16an Gasteizen, besteak beste, EHUn «kontrol soziala amaitu» dadin

<em>Mozal legearen</em> aurkako protesta bat, iazko otsailean. ©ELOY ALONSO / EFE

'Mozal legearen' erreforma ahalbidetzeko eskatu die PSOEk EH Bilduri eta ERCri

Xabier Martin - Jon O. Urain

Gaur batzartuko da Herritarren Segurtasunerako Espainiako Legea aldatzeko lantaldea. EH Bilduk ez du onartuko erreforma «light» bat

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...