Albistea entzun

Hizkuntza eskubideak jomugan

Arkautik B2 maila egiaztatu ez zuten udaltzain hautagaiak hartu beharko ditu

Gasteizko Administrazio Auzitegiak UGTren helegitea onartu du, eta berretsi egin du irailean emandako sententzia. Arkautiko akademiari bi hilabeteko epea eman dio euskara maila egiaztatu ez zuten hautagaiak berriz hartzeko.

Bi udaltzain, bizkarra emanda, Irungo San Juan plazan (Gipuzkoa).
Bi udaltzain, bizkarra emanda, Irungo San Juan plazan (Gipuzkoa). Jon Urbe / FOKU Tamaina handiagoan ikusi

Julen Aperribai -

2023ko urtarrilak 24 15:10

Sententzia irmoa da: Gasteizko Administrazio Auzitegiak Arkautiko akademia behartu du berriz hartzera bere momentuan euskarazko B2 maila ez egiaztatzeagatik lan poltsatik kanpo utzitako hautagaiak. Irailean hartu zuen erabakia auzitegiak, UGT sindikatuak lan poltsari helegitea jarri ondotik, eta orain irmoa da sententzia. UGTk adierazi duenez, administrazioak ez dio helegiterik jarri.

UGTk helegitean argudiatu zuen 2021ean egindako deialdi publikoak «diskriminatu» egin zituela euskarazko B2 maila aurkezterik izan ez zutenak, uste baitu, herritarrei euren hizkuntzan zerbitzua eskaintzeko gai ez diren arren, gaituta daudela «zenbait lanpostu» betetzeko. Auzitegiak arrazoia eman dio sindikatuari, eta adierazi du «diskriminaziozko tratua» jaso zutela eskatutako euskara maila egiaztatu ez zutenek.

Ikusi gehiago: Kontseiluak aurreratu du egitasmo bat prestatzen ari direla epaitegiak hizkuntza eskubideen aurka ematen ari diren ebazpenei aurre egiteko

Horrenbestez, auzitegiak Arkautiko akademiari agindu judizial bat igorri dio, eta sententzia gauzatu dezan eskatu. Bi hilabeteko epea eman dio arrazoi horrengatik lan poltsatik kanpo geratutakoak berriz hartzeko. «Ez du zentzurik gaztelaniadun herrietan lan egiten amaituko duten hautagaiak kanpoan uztea euskara maila altua egiaztatu ez dutelako», adierazi du Jose Luis Ahedo UGTko kideak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gasteizko Askabide Klinika ©Jaizki Fontaneda/ FOKU

Askabide klinikak eskatu du abortuaren kontrako protestak ez daitezela guneetatik hurbil egin

Isabel Jaurena

40 Días por la Vida abortuaren aurkako elkarteak iragarri du protestak eginen dituztela otsailaren 22tik aurrera.

Belateko tunela (Nafarroa), artxiboko irudi batean. ©Jagoba Manterola / Foku

Belateko tunel berriaren lanak lizitatu ditu Nafarroako Gobernuak

Paulo Ostolaza

95 milioi euroko kostua izango dute lanek. Txibiteren arabera, «lekurik arazotsuenetako baten konponbidearen hasiera» da.

Gasteizko Etxebizitza Sindikatuaren agerraldia, gaur. ©Gasteizko Etxebizitza Sindikatua

Gasteizko familia baten etxegabetzea gerarazteko exijitu dute

Julen Otaegi Leonet

Gasteizko Etxebizitza Sindikatuak agerraldia egin du, «segurtasun osoz» berehalako etxegabetze agindua jasoko duen familia baten egoera salatzeko. «Beti bezala, administrazioak ez du aukerarik eskaini», gehitu du.

Zaldibarko zabortegiak (Bizkaia) hondakin industrialak hartu ohi zituen. ©Andoni Canellada / Foku

Hondakin industrialei aurre egiteko «tratamendu egokirik» ez edukitzea egotzi die ELAk erakundeei

Jon O. Urain

Sindikatuak proposatu du, besteak beste,  industriaren ekoizpen eredua «dibertsifikatzea» eta material berriztagarrietan, birziklagarrietan eta energia berriztagarrietan oinarritutako jarduerak bultzatzea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...