Albistea entzun

Etxegabetzeak

Irungo bizilagun bat etxegabetua izateko arriskuan dela salatu dute Donostian

Bere etxebizitzaren abala eman zion banku bati, eta hiru urteko alokairu sozialeko kontratua sinatu. Hura amaitzean, 2021eko urtarrilean, putre funts baten esku geratu zen. Gaurkoa zuen berez etxebizitza uzteko azken eguna.

Donostian egin duten elkarretaratzea.
Donostian egin duten elkarretaratzea. STEILAS Tamaina handiagoan ikusi

Julen Otaegi Leonet -

2023ko urtarrilak 24

Irungo 80 urteko bizilagun bat etxegabetua izateko arriskuan dela salatu dute gaur, Donostian. Bizitza erdiz haren etxebizitza izan da. Banku bati eman zion haren abala mailegu bati aurre egiteko, finantza krisiaren ondorioz semeak ordaindu ezin izan zuen negozio baten ondorioz. Hiru urterako alokairua ere sinatu zuen, luzatu ezinekoa. 2021eko urtarrilean bete ziren hiru urte horiek, eta etxebizitza Promontoria Coliseum putre funtsaren esku geratu zen. Irungo Udalaren laguntzarekin, beste urtebetez atzeratu zuen kontratuaren amaiera. Ez zuen putre funtsaren erantzunik jaso, harik eta iazko uztailean, kontratua amaitu eta sei hilabete ingurura, etxebizitza uzteko eskatu zieten arte. Irundarrak gaurkoa zuen berez horretarako azken eguna.

Bere horretan jarraitu du bizilagun horrek: «Nahi dudan bakarra alokairu kontratua berritzea da». Hainbat eragilerekin, sindikaturekin eta alderdietako kiderekin batera, Donostiako Askatasunaren hiribidean elkartu da; mailegua eman zion bankuaren egoitzaren parean, hain zuzen. Angel etxean geratuko da! Funts putreak, kanpora! lelopean bildu dira; baita Etxebizitza eskubidea da, ez negozioa goiburupean ere. Kaleratzeak Stop, Alokairu Benta Berrik eta Azora funtsaren kaltetuen elkarteak deitu dute elkarretaratzera.

Kaleratzeak Stop plataformako Rosa Garciak hitza hartu du, eta azaldu du putre funtsari eskaintza bat egin diotela: 600 euro hileko, zazpi urtez. Oraintsu arte 315 ordaindu ditu hilean etxegabetze arriskuan den bizilagunak. Kontratu berri horrekin, berriz, 400 euro ordainduko lituzke, eta beste 200 Irungo Udalak. Eskaintza egin, egin diote Promontoria Coliseum putre funtsari. Baina erantzunik ez dute jaso oraindik. «Kalera bota nahi dute [bizilaguna], etxebizitzarekin espekulatzeko eta 800-850 euroko alokairua jartzeko», erantsi du Garciak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Argia sariak jaso zituztenak, atzo, Usurbilgo Atxega jauregian. ©ANDONI CANELLADA / FOKU

Argia sariak, Azterketak Euskaraz-i eta Oihana Goirienari

Irati Urdalleta Lete

'Karpeta urdinak', Zugazart, '(Min)bizi' eta Euskal Mastodon komunitatea ere saritu dituzte
<em>Aita Mari</em> ontzia Pasaiako portuan (Gipuzkoa), 2020ko uztailean. ©IDOIA ZABALETA / FOKU

'Aita Mari' ontziari milioi bat euroko isuna jarri dio Espainiako Gobernuak

Isabel Jaurena Edurne Begiristain

Zigorrak lotura du 2020an Palermon gertatu ziren ekintza batzuekin. Itsas Salbamendu Humanitarioak alegazioak aurkeztuko ditu
 ©MARISOL RAMIREZ / @FOKU

Kontrol telematikoa hobetu beharra

Maite Asensio Lozano

Tratu txarrak ematen dituzten gizonei eskumuturreko telematikoa jartzea maizago eskatuko dute poliziek eta fiskalek, baina gailu horien nahi gabeko ondorioek kezka piztu dute eragileen eta biktima taldeen artean.
 ©BERRRIA / BERRIA

«Zergatik egon behar dut nik kontrolpean?»

M. Asensio Lozano

Manuelaren senar ohiak eskumuturrekoa darama. Gizonak maiz uzten du gailua kargatu gabe, eta, alarmak etengabe jotzearen ondorioz, antsietate arazoekin dabil emakumea.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...