Albistea entzun

Alderdiak

Artolazabalek berriro esan du Aranaren proiektua prentsaren bidez jakin zuela

Gasteizko errefuxiatuentzako zentroaren proiektuari buruzko ika-mika bukatzea adostu dutela helarazi zuten atzo EAJk eta PSE-EEk, baina Justizia sailburuak aitortu du «mina ematen duten gauzak» esan direla.

Gasteizko Arana klinina zaharra hartun zuen eraikina.
Gasteizko Arana klinina zaharra hartun zuen eraikina. RAUL BOGAJO / FOKU Tamaina handiagoan ikusi

Xabier Martin -

2023ko urtarrilak 25 11:15

Eusko Jaurlaritzako Justizia, Berdintasun eta Politika Sozialen sailburu Beatriz Artolazabalek berriro hitz egin du Gasteizko Arana errefuxiatuentzako zentroaren proiektuari buruz. Onda vasca irratian berretsi du bere sailak prentsaren bidez izan zuela Espainiako Gobernuaren proiektuaren berri; aldi berean, ordea, esan du bukarazi egin behar dela auzi horren inguruan EAJ eta PSE-EE Jaurlaritzako bazkideek izan duten liskar garratza, «antzua» delako eta aurrera egiteko gai izan behar dutelako alderdi biek, «adosteko».

Ez alferrik, atzo liskarra bukarazteko konpromisoa hartu zuten jeltzaleek eta sozialistek. «Migrazio arloko konpetentziak Espainiarenak dira, eta berak hartuko ditu erabakiak. Guk elkarrizketa eskatuko dugu», esan zuen Bingen Zupiria Jaurlaritzako bozeramaileak Espainiako Gobernuak Gasteizen egin nahi duen nazioarteko babeserako harrera zentroari buruz.

Artolazabalen azken ekarpen honetan ere islatu da auzian ez sakontzeko borondatea hitzez, baina horri lagunduko ez dioten adierazpenak ere badira. Izan ere, sailburuak onartu du «esan diren gauza batzuk mindu» egin dutela, eta PSEko idazkari nagusi Eneko Anduezak ahoskatu zuen «xenofobiari» erreparatuz helarazi du «bere hitzen preso» dela beti hizlaria.

Xenofobia akusazioen harira galdera zehatzak egin dizkio PSEri Jaurlaritzako lehendakari Iñigo Urkulluk asteon: «Jose Antonio Agirrek bere gobernu osoarekin erbestera joan behar izan zuen, milaka pertsona askok bezala, eta ez soilik EAJkoak, baita PSEkoak ere, errepublikanoak, komunistak; nola esan daiteke horrelako ezer EAJri buruz? Nola egin daiteke migrazio politikaren inguruko interpretazio ariketa bat aintzat hartu gabe Euskadiren ordezkaritza politikoaren gehiengo bati eragiten dion iragana?».

PSE-EEk gogor erantzun dio Urkulluri: «Ghettizazio hitzaren erabilpenak eta balizko gatazka sozialak aipatzeak herritarren pertzepzioa baldintza dezakete», esan dio Jaurlaritzako bazkide batek besteari, errieta tonu argian. «Ezin ditugu hauspotu errefuxiatu atzerritarren aurkako sentipen irrazionalak, eta are gutxiago giza eskubideen aurkako biktimak izan direnez». Lerro artean uler daiteke arrazakeria sustatzetik gertu dabilela egotzi diola PSEk EAJri .

Adierazpen horien ondoren iritsi ziren atzo auzia bukarazteko deiak batetik eta bestetik. Hurrengo orduetan ikusiko da ea Artolazabalek bere azken adierazpenekin ura edo gasolina bota duen sutera.

Migrazio arloko eskumenak

Jaurlaritzak migrazio arloko eskumenak lortzeko eskaria zehaztu dio egun hauetan Espainiako Gobernuari, eta garatu beharreko migrazio politiken inguruko jarrera eta iritzia adierazi ditu. Zupiriak aurreko astean nabarmendu zuen «behin eta berriz eskatuko» dutela negoziatzeko; eskumena izatea baitute «lehentasuna», politika propioak eraikitzeko.

Gasteizek Espainiako Gobernuari eskatu dio gaia lantzeko lantalde bat sortzeko, baina oraindik ez dute erantzunik jaso. Izan ere, Jaurlaritza «integrazio indibidual» baten aldekoa dela-eta, Espainiak egin nahi duen gune berria ez dator bat estrategia horrekin. Azken egunetan «makrozentroaz» hitz egin dute, behin eta berriro, EAJk gobernatzen dituen erakundeetako gidari ugarik.

Espainiako Gobernuak aurreko astean iragarri zuen errefuxiatuentzako zentro handi bat lizitatuko duela Gasteizen. Arana klinika zaharrean egongo da, eta 2024an irekitzea aurreikusi dute asilo eskatzaile, iheslari eta errefuxiatuentzat. Migrazioen Estatu Idazkaritzak 982.010 euroan lizitatu ditu eraikuntza eta lana gauzatzeko proiektuak. 14,7 milioi euro inbertituko ditu eraikina berritzeko. Obrak uztailean hasiko dira, eta urtebete iraungo dute. Zentroak 350 pertsona hartzeko tokia izango du, eta 13.000 metro koadro.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mertxe Aizpurua Espainiako Kongresuan. ©JUANCARLOS HIDALGO / EFE

'Mozal legearen' erreforma ez blokeatzeko eskatu die PSOEk bazkideei

Xabier Martin

EAJko Aitor Estebanek uste du orain arte adostutako zuzenketak egun indarrean dagoen legea hobetzen dutela. EH Bilduko Mertxe Aizpuruak, berriz, ohartarazi du Espainiako Gobernuak «hitzemandakoa» bete beharko duela koalizioaren babesa jaso nahi badu Herritarren Segurtasun Legearen erreformarako.

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»
Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.