Beldurra itzuli da bankuen sektorera, eta, oraingoan, Europaren bihotzetik. Credit Suisseren akzioak %24 hondoratu dira asteazken honetan, bere finantza arazoak konpontzeko duen gaitasunari buruzko zalantzengatik, eta horrek sektore osoari eragin dio. Credit Suisse erori izanaren atzean dago Suitzako bankuko lehen akziodunak, Saudi Arabiako SNBk, uko egin diola kapital gehiago jartzeari. Argudiatu du akzioen %10eko mugara iritsi dela, eta legez ezin duela gehiago jarri.
Credit Suisseren arazoak aste honetan hondoa jo duen AEBetako Silicon Valley Bankenarenak (SVB) baino lehenagokoak dira, arrazoiak ere oso bestelakoak dira, eta eragina ere ezberdina izan daiteke. Izan ere, Credit Suissek 538.000 milioi liberaren aktiboak ditu (538.000 milioi euro), AEBetako bankuak halako bi baino gehiago.
Asteazken honetan gertatutakoa, hala ere, ez da ezustekoa izan. Credit Suisseren akzioen kotizazioa %70etik gora jaitsi da urtebetean, zazpi libera suitzarretik bi ingurura —1,7 gaur—. Eta bonuak ez ordaintzeko bere aseguruen (credit default swap, CDS) balioa maximo historikoetan dago, 800 puntuan. Bankuek bezeroekin dituzten zorrak ordaintzeko aseguru mota bat dira CDSak. Credit Suisserenak hain altu egoteak esan nahi du merkatuek gero eta posibleago ikusten dutela bankuak porrot egiteko aukera. 2009ko euroaren krisian Greziako bankuek zituztenen antzeko mailan daude.
Horrek guztiak Europako finantza sektore osoari eragin dio. Galera handiak izan dituzte asteazkenean: Frantziako Societe Generaleren akzioen balioa %12,2 jaitsi da, eta BNP Paribasenak %10,1. Espainian, Sabadellek galdu du gehien,%10,5. BBVAren akzioak %9,6 jaitsi dira, Santanderrenak %6,9 eta CaixaBankenak %6,7. Alemaniako Commerzbankek eta Deutsche Bankek %9 inguru galdu dute. Europako burtsek %4 inguruko galerekin itxi dute eguna.
Erabaki okerrak
Credit Suisse berregituraketa prozesuan dago, aspalditik duen krisi batetik ateratzeko. Kapital zabalkuntzak egin ditu azken urteetan; duela hiru hilabete egin zuen azkena eta 2.200 milioi libera suitzar (2.220 milioi euro) jarri zituen Saudi Arabiako SNBk, baina ez zen aski izan merkatuen konfiantza irabazteko.
Suitzako bigarren bankuaren arazoak aspalditik datoz. 2000ko hamarkadan jauzi handi bat egin zuen, eta banka pribatuko erakunde handienetako bat bihurtzeko pausoa eman zuen, mundu osora zabalduta, baina ez du lortu. Negozio eredu konplexu bat jarri zuen martxan, hainbat dibisiorekin, eta batez ere inbertsiogile eta korporazio handiei bideratutakoa. Porrot handi eta polemika iturri izan diren inbertsio funts batzuetan —Archegosen eta Greensillen, adibidez— parte hartu izanak galera handiak eragin dizkio, eta bezeroen konfiantza murriztuz joan da: azken urtean 123.200 milioi libera suitzar atera dituzte bankutik.
Iaz, plan estrategiko bat aurkeztu zuen, aktiboen zati bat saltzea eta egitura sinplifikatzea aurreikusten zuena. Kapital zabalkuntzan Saudi Arabiako SNBk parte hartu zuen, akziodun nagusi bihurtuz.
Erreskatea
AsteazkengaueanSuitzakoBankuNazionalaCreditSuisselaguntzekoprestazalduda. Ostegunhonetanigorritakooharbatean, bankuakiragarridu50.000milioiliberasuitzarmaileguanhartukodituela. Erabakiak lasaitua eragin du burtsetan, eta igoera handiak izaten ari lehen orduetan.
