Euskal Presoak

Sebas Gurtubai eta Zigor Blanco aske geratu dira, hogei urteko espetxealdia beteta

Zigorraren hiru laurdenak aspaldi beteta zituzten bi presoek, baina osorik bete dute espetxe zigorra. Darocako (Espainia) espetxetik atera da Gurtubai, eta Basaurikotik (Bizkaia) Blanco.

Sebas Gurtubai Darocako (Espainia) espetxetik irten berritan Etxerat Tamaina handiagoan ikusi

Berria -

2023ko martxoak 18 19:47

Etxerat elkarteak jakinarazi duenez, Sebas Gurtubai eta Zigor Blanco euskal presoak aske geratu dira hogei urteko espetxealdia beteta. Bilbokoa da Gurtubai eta Trapagarangoa (Bizkaia) Blanco. 2003.urtean espetxeratu zituzten biak ala biak. Hogei urteko kartzela zigorra ezarri zieten, 2001ean Portugaleten (Bizkaia) ETAko zenbait kiderekin batera Ertzaintzaren patruila baten kontra molotov koktelekin egindako eraso batean parte hartzea egotzita.

Bi euskal presoek aspaldi bete zituzten zigorraren hiru laurdenak, eta baldintzapeko askatasuna eskuratzeko eskubidea zuten. Haatik, Espainiako Auzitegi Nazionalak ezarritako zigorra osorik bete arte ez dituzte askatu.
Darocako (Espainia) espetxean zegoen Gurtubai, eta Basaurikoan (Bizkaia) Blanco.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut