Aberri Eguna apirilaren 9an izango da aurten. Eta EAJk Gure izaera. Gure aberria lelopean ospatuko du, Bilbon. Plaza Barrian bilduko dira 11:30ean. Hizlariak Andoni Ortuzar EAJko Euskadi Buru Batzarreko presidentea eta Iñigo Urkullu Eusko Jaurlaritzako lehendakaria izango dira.
Aurreko egunean, Ortuzar Bizkargi mendira igoko da, afiliatuekin batera, Aberri Egunean parte hartzeko deia egiteko asmoz. Hori baino lehen, «Gerra Zibilean eroritako gudariak» omentzeko elizkizun batean hartuko du parte.