Mobilizazio jendetsuak egin zuten atzo Frantziako hiri gehienetan. Milaka pertsonak kalean adierazi zuten Emmanuel Macron presidenteak ezarritako erretreten erreformaren aurka daudela. Gauean, berriz, istilu handiak gertatu dira hainbat hiritan. Deigarriena Bordelen jazo da (Okzitania): protestariek su eman diote herriko etxeko atariari, eta suak suntsitu egin du egitura.
It’s still kicking off in France: The Bordeaux town hall is now on fire pic.twitter.com/UHcbWurQ9f
— David Adler (@davidrkadler) March 23, 2023
Gauean «manifestazio basatiak» sortu dira, agintariek adierazi dutenez, eta beirak hausteari ekin diote hainbat lekutan, eta zabor edukiontziei zein hirietako kaleetako bestelako osagaiei su eman diete. Gerald Darmanin Barne ministroak esan duenez, «askotan ezker muturretik helduriko suntsilariak» eragin dituzte istiluak. 172 pertsona atxilotu dituztela gaineratu du, eta 149 polizia zauritu dituztela.
20:30ak aldera eman diote su Bordeleko herriko etxeko atariari. Suhiltzaileek esku hartu dute, baina, ordurako, suak suntsitu egin du egitura. Udaletxea inguratzen duen hesia kaltetu du suak, ez eraikina bera.
It’s still kicking off in France: The Bordeaux town hall is now on fire pic.twitter.com/UHcbWurQ9f
— David Adler (@davidrkadler) March 23, 2023
Ministroak esan duenez, Parisen 1.500 pertsona inguru aritu da apurtzen eta su ematen. Goitik behera beltzez jantzita, maskarak eta gasaren kontrako betaurrekoak jantzita, kioskoen, janari lasterreko saltokien eta bankuen kontra jo dute, besteak beste.
Paris on fire🇫🇷
— Dr. Anastasia Maria Loupis (@DrLoupis) March 23, 2023
The French People have had enough of WEF BS🔥🔥🔥pic.twitter.com/1ZfpJoMYGv
Eiffel dorrea eta Versaillesko jauregiak itxi dituzte. Azken horretan, Ingalaterrako Charles erregea hartu asmo zuen Macronek datorren astean, baina, azkenean, harekin egin beharreko afaria beste leku batera eraman dute, lekuak iraultzarekin lotura historikoa duelako.
Frantzia iparraldeko Rouen hirian emakume bat larri zauritu dute poliziek, flash-ball motako plastikozko bala bat jaurtita.
Bretainian ere bai
Bereziki bortitza izan da gaua Bretainian. Istiluak izan dira Roazhonen (Rennes) eta Naoneden (Nantes) eta An Orienten (Lorient). Azken horretan su eman diote polizia etxeari.
Ipar Euskal Herrian ez da halako istilurik gertatu gauean. Manifestazio handia egin zuten atzo, eta Polizia manifestariei oldartu zitzaien amaieran, eta lau pertsona atxilotu zituzten.
