Janire Arrizabalagak eta Bittor Altubek irabazi dituzte Udaberria Bertsotan-eko azken bi saioak

A multzoko saioa Busturian jokatu da, herriko kultur etxeko aretoan. Saioko irabazlea Janire Arrizabalaga Munduate izan da, 174,5 punturekin, eta haren atzetik sailkatu dira Izaro Bilbao Arostegi (169), Eneko Aldana Carrasco (156), Asier Alcedo Cano (151). Irune Basagoiti Agirre (147) eta Nagore Beitia Telletxea (144,5).

B multzoko saioa, berriz, Zallan jokatu da, El Longar jauregiko kaperan. Bittor Altube Sarrionaindiak irabazi du saioa, 190,5 punturekin. Honela geratu dira puntuazioak jarraian: Garikoitz Sarriugarte Onaindia (182,5), Iruri Altzerreka Martinez (177,5), Enare Muniategi Etxabe (170,5), Ander Aldazabal Olabarri (170) eta Jokin Ansotegi Vallejo de Olejua (137).

Modu horretan, osatuta geratu da Bizkaiko Bertsolari Txapelketan parte hartuko dutenen zerrenda.

Alde batetik, 2021eko finalistak finalaurrekoetan hasiko dira kantuan. Hauek dira: Aitor Bizkarra Ruiz, Aitor Etxebarriazarraga Gabiola, Gorka Pagonabarraga Agorria, Jone Uria Albizuri, Nerea Ibarzabal Salegi, Onintza Enbeita Maguregi eta Xabat Galletebeitia Abaroa.

Bestetik, kanporaketetan zuzenean sartzeko aukera izango dute 2021ean finalaurrekoetan kantatu zuten bertsolariek. Hauek eman dute izena: Eneko Abasolo Txabarri, Imanol Uria Albizuri, Josune Aramendi Perez, Julen Arzanegi Erezuma, Oihana Bartra Arenas, Paule Ixiar Loizaga Legarra eta Txaber Altube Sarrionaindia.

Azkenik, hauek dira Udaberria Bertsotan sailkapen fasean txapelketarako txartela lortu duten bertsolariak: Aissa Intxausti Aburuza, Aitor Arrutia Azkueta, Ander Sarriugarte Garcia, Araitz Katarain Mugarza, Arkaitz Zipitria Mendizabal, Asier Galarza Garai, Beñat Bilbao Landa, Bittor Altube Sarrionaindia, Garazi Navarro Ugarteburu, Garikoitz Sarriugarte Onaindia, Ibai Amillategi Omaetxebarria, Igor Galarza Intxausti, Iker Garitagoitia Astigarraga, Iker Uriarte Urrutia, Inazio Vidal Gurrutxaga, Iñaki Iturriotz Zuluaga, Iruri Altzerreka Martinez, Izaro Bilbao Arostegi, Janire Arrizabalaga Munduate, Jone Larrinaga Dañobeitia, Koldo Gezuraga Seijiido, Koldo Muñiz Aldamizetxebarria, Lurdes Ondaro Mallea, Maite Sarasola Isazelaia, Mikel Goiriena Larrazabal, Mikel Retolaza Etxebarria, Peru Irastortza Santxo, Peru Vidal Gurrutxaga eta Unai Mendiburu Valor.