Albistea entzun

Mundua

Ramos Horta Timorko presidentea koman dago, matxinoek zaurituta

Haren egoitza tirokatu dute erreboltariek, eta urdailean tiro bat jaso du. Australiako erietxe batera eraman dute helikopteroz, eta hil edo biziko egoeran dago. Xanana Gusmao lehen ministroari eraso diote Ramos Hortaren ondoren, baina ez dute zauritu. Estatu kolpe saioa izan dela salatu du Gusmaok. Salbuespen egoera ezarri dute.

Berria -

2008ko otsailak 11
Ekialdeko Timorko presidentearen egoitza tirokatu du gaur goizean (atzo gaua Euskal Herrian) matxinatutako militar talde batek, eta Jose Ramos Horta presidentea oso larri zauritu dute, urdailean tiroa emanda. Australiako Darwin hiriko erietxe batera eraman dute helikopteroz, eta hango iturriek agertu dutenez, koma induzituan dago, hil edo biziko egoeran. Erasoan bi lagun hil dira: Alfredo Reinaldo matxinatutako militarren burua eta haiei aurre egin dieten soldadu leialetako bat. Ramos Horta presidenteari eraso egin ondoren, Xanana Gusmao lehen ministroa tirokatu dute autoan zihoala. Hala ere, Gusmao ez dute zauritu, eta hark hartu du behin-behinekoz estatuburutza. Estatu kolpe saioa izan dela salatu du Gusmaok, eta iritzi berekoa izan da Australiako Gobernua. Salbuespen egoera ezarri dute 48 orduz, egoera lasaitu arte. Ramos Horta eta Gusmao estatuburu eta gobernuburu izateaz gain, Ekialdeko Timor Indonesiatik bereiztearen aldeko mugimendu independentistaren buruzagiak izanak dira. Ramos Hortak Bakearen Nobel saria jaso zuen independentziaren aldeko eta Indonesiak Timorren egin zituen gehiegikerien kontrako borrokagatik. Gusmao Fretilin talde armatu independentistako burua izan zen. Independentzia lortu zutenetik aldiro-aldiro sortzen dira borrokak matxinoekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Letoniako armadako soldadu bat, Bielorrusiarekiko mugan, burdin harizko hesi labanaduna altxatzen. ©VALDA KALNINA / EFE

Zigor gehiago Bielorrusiari

Gorka Berasategi Otamendi

Bruselak Lukaxenkoren gobernuaren kontrako neurri «murriztaileagoak» hartuko ditu, migratzaileei EBrako bidea errazteagatik. Mugetan hesiak finantzatzearen aurka mintzatu da Von der Leyen
 ©Maialen Andres, FOKU

“Gure taldearen gisakoek alde egitea nahi du Greziako Gobernuak"

Maria Ortega Zubiate, Gipuzkoako Hitza

Elkarte gastronomikoetako lapiko eta zartaginen artean hasi zen sukaldean Garcia Amiano; gaur egun, Europara sartzeko zain dauden milaka iheslariri ematen die jaten. Gastronomia bokaziotik militantziara eramanez egin du ibilbide luzea.

Gazte batzuk koronabirus proba egiteko zain, Moskun. ©MAXIM SHIPENKOV / EFE

Egunean mila hildakotik gora eragiten ari da COVID-19a Errusian

Arantxa Elizegi Egilegor

Moskun, oinarrizkoak ez diren zerbitzuak ixteko agindu dute azaroaren 7ra bitartean. Erresuma Batuan beste 40.000 kasu baino gehiago zenbatu dituzte hamargarren egunez
Guantanamoko atxilotze gunearen aurkako protesta bat, 2019an. ©EFE

AEBetako epaile batek ebatzi du preso bat legez kanpo dutela Guantanamon

Igor Susaeta

Asadullah Haroon Gul afganiarrak hamalau urte daramatza preso gune horretan. Magistratu federal batek defentsaren 'habeas corpus'-a onartu du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.