Politika

ANVren Portugaleteko egoitza itxi egin dute, miaketa egin ostean

Espainiako Polizia hamaiketatik ordubiak arte han egon da, Baltasar Garzon Auzitegi Nazionaleko epaileak aginduta. Ezker abertzaleak elkarretaratzea egin du eta ertzainek hainbat lagun identifikatu dituzte.

Berria -

2008ko maiatzak 5
Baltasar Garzon Espainiako Auzitegi Nazionaleko epaileak aginduta, Espainiako Polizia EAE-ANVren Portugaleteko (Bizkaia) egoitza miatzen aritu da gaur hamaiketatik ordubiak arte, eta ondoren egoitza itxi egin dute, zigilatu. Poliziek bost kaxa atera dituzte "dokumentazioarekin", dirua eraman dute eta ANVren bandera bat kendu dute. Ostatuko tabernari bat eta berezo bat miaketan lekuko izan dira. Santa Maria kalean egon dira poliziak, Euskal Etxea ostatuan. Ezker abertzaleko kide batzuk hara azaldu dira, protesta egitera, =iEz gaituzue isilduko. Independentzia=i leloko pankartarekin. Han zen Kepa Bereziartua ANVko presidentea. Ertzainek hainbat lagun identifikatu dituzte. Garzonek otsailaren 8an ANVren jarduerak eten zituen hiru urterako, ETArekin zerikusirik izan dezakeelakoan, eta lehengo asteazkenean Ino Galparsoro Arrasateko (Gipuzkoa) alkatea eta EAE-ANVko kidea kartzelan sartu zuen, alderdi horren izenean aritzea leporatuta.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna