Albistea entzun

Ibarretxe auzia

Fiskalak eta defentsak epaiketa bertan behera uzteko eskatu dute, eta epaimahaiak erabakia astelehenean jakinaraziko du

Auzian akusazio partikularrik ez dagoela argudiatu dute fiskalak eta ezker abertzaleko abokatuak, eta akusazioaren zilegitasuna zalantzan jarri du PSE-EEkoak. Ibarretxeren abokatuak, aldiz, erretiratu egin du artxibo eskaera, epaiketa "irabazi" egin nahi baitu. Hasi da Jaurlaritzako lehendakaria, PSE eta ezker abertzalearen kontrako epaiketa, elkarrizketa politikoagatik. Ibarretxe, Lopez, Ares, Otegi, Barrena, Etxeberria, Petrikorena eta Dañobeitia dira auzipetuak, eta EAEko Auzitegi Nagusian epaituko dituzte. 2006an ETAren su-eten garaian bilera politikoak egitean Espainiako Auzitegi Gorenari desobedientzia egin ziotela dio herri akusazioak -Ermuko Foroak eta Dignidad y Justiciak-.
Juan Jose Ibarretxe, Patxi Lopez eta Rofolfo Ares, gaur, EAEko Auzitegi Nagusian.
Juan Jose Ibarretxe, Patxi Lopez eta Rofolfo Ares, gaur, EAEko Auzitegi Nagusian.

Berria -

2009ko urtarrilak 8
Sekula ikusi gabeko irudia izan da gaur EAEko Auzitegi Nagusian, Bilbon: Eusko Jaurlaritzako lehendakari bat (Juan Jose Ibarretxe) akusatuen aulkian eseri da lehen aldiz. Ez hori bakarrik. Euskal gizarteko esparru politiko nagusietako ordezkariak ere hasi dira epaitzen: PSE-EEkoak eta ezker abertzalekoak. Zergatik eta, elkarrizketa politikoak egin izanagatik. Hiru aste iraungo du epaiketak. Hain zuzen, gaur 9:30ean zen hastekoa. 9:43an hasi da. Berehala, Maria Angeles Montes fiskalak eta Jone Goirizelaia ezker abertzaleko akusatuen abokatuak epaileei epaiketa bertan behera uzteko eskatu diete, kasuan akusazio partikularrik ez dagoelako (herri akusazioa baino ez dago: Ermuko Foroa eta Dignidad y Justicia). =iBotin auzia=i aipatu dute biek -prozedura laburretan herri akusazioaren eskaerarekin bakarrik ezin dela ahozko epaiketarik agindu ebatzi zuen kasu horretan Espainiako Auzitegi Gorenak-. Jose Antonio Subinas, Juan Carlos Benito-Butron eta Manuel Diaz Rabago dira epaileak. Goirizelaiak beste bi argudio ere erabili ditu: ezker abertzalekoen kontrako froga bat falta dela eta lau auzipetu kartzelan daudela-eta epaiketa prestatzeko zailtasunak dituztela. Felix Rojo PSE-EEko kideen abokatuak ere epaiketa bertan behera uzteko eskatu du, akusazioaren "zilegitasuna" zalantzan jarri duelako. Ibarretxeren abokatu Mikel Casas ados azaldu da haiekin, baina argitu du aurreko hilabeteetan kasuaren artxiboa eskatu izan duten arren, gaur eskaera hori erretiratu egin dutela. Izan ere, epaiketa egin eta "irabazi" egin nahi dutela adierazi du. "Elkarrizketa edo kartzela dio herri akusazioak. Guk elkarrizketa edo elkarrizketa diogu", esan du Casasek. Akusazioak bereari eutsi dio. 11:30etik 12:00etara etena egin dute, Diaz Rabagok aginduta. 13:50ean bukatu dute saioa, epaiketako aurrena, eta astelehenera artean eskaerak deliberatuko ditu epaimahaiak. 9:30ean izango dute hitzordua astelehenean. Hain zuzen, akusatuen aulki berean daude Ibarretxe lehendakari eta lehendakarigai jeltzalea, Patxi Lopez PSE-EEko idazkari nagusi eta lehendakarigai sozialista, Rodolfo Ares PSE-EEko Antolakuntza idazkaria, eta Arnaldo Otegi, Pernando Barrena, Rufi Etxeberria, Juan Joxe Petrikorena eta Olatz Da˝obeitia ezker abertzaleko kideak -azken lauak preso daude gaur egun-. 8:30ak aldera hasi da auzitegi aurrean eta inguruetan jendea biltzen. Bertan zeuden Eusko Jaurlaritzako kontseilariak, EAJko karguak -I˝igo Urkullu EAJko EBBko presidentea buru zutela-, Jose Antonio Ardanza Jaurlaritzako lehendakari ohia, Jose Luis Bilbao Bizkaiko ahaldun nagusia, Xabier Agirre Arabakoa, EAko arduradun batzuk, EBkoak, Aralarkoak, ezker abertzaleko 150 bat lagunek elkarretaratzea egin dute... Ibarretxe bera 8:50ean heldu da, Bego˝a Arregi emaztearekin eta Eneritz alabarekin. Lopez eta Ares 9:20 aldera ailegatu dira, alderdikide gutxi batzuek lagunduta. Otegi 9:25ean iritsi da -harekin ziren, besteak beste, Tasio Erkizia, Rafa Diez, Nekane Erauskin, Julen Aginako eta Antxon Etxebeste-. 9:30erako aretoan zen Ibarretxe. Otegi 9:36an sartu da eta, agurtu ondotik, harekin egon da minutu batez hizketan. Lopez eta Ares 9:37an sartu dira, eta bosteko hotza eman diote Ibarretxeri. 9:41ean heldu dira lau presoak, eta zortziak daude, beraz, aretoan. Kokapen aldetik, ezker abertzalekoak albo batean daude eserita, pasilloaren bestaldean aulki batean Ibarretxe, eta ondoan, tarte batera, Lopez eta Ares. Epaimahai ondoan daude, halaber, Montes fiskala, Ermuko Foroa eta Dignidad y Justicia herri akusazioko abokatuak, eta defentsako hiru abokatuak. =bAkusazio oinarria=b Akusazioen oinarri diren bilera horiek, ETAren su-etenaren garaian izan ziren, duela bi urte. Euskal gatazkari irtenbide elkarrizketatua emateko saioaren hasiera irudikatu zuten. Ibarretxek ezker abertzaleko ordezkariak lehendakaritzan hartu zituenekoa da lehen irudia. 2006ko apirilaren 19an batzartu zen lehendakaria Otegirekin, Barrenarekin eta Petrikorenarekin, su-etenaren ostean Euskal Herrian hasitako aroa aztertzeko alderdiekin hasitako elkarrizketa sailaren barruan. Urte bereko uztailaren 6an, Lopez eta Ares bildu ziren Otegi, Etxeberria eta Da˝obeitiarekin, Donostiako hotel batean. Bezperan, bilera hori baimentzen zuen autoa kaleratu zuen Baltasar Garzon Espainiako Auzitegi Nazionaleko epaileak. Ermuko Foroa eta Dignidad y Justicia elkarteek zalantzan jarri zuten bilera haien zilegitasuna. Legea urratzen zutela esan, eta salaketak jarri zituzten EAEko Auzitegi Nagusian. Horien eskaerak aintzat hartu, eta auzibidea abiatu zuen Roberto Saiz epaileak. Desobedientzia egin izana egotzi zien ezker abertzaleko ordezkariei. Desobedientzia egiteko beharrezko laguntzaile izatea gainerakoei. Akusazioak urtebete eta lau urte arteko espetxe zigorra eskatu du ezker abertzalekoentzat, bi urte eta bederatzi hilabetekoa Ibarretxerentzat, eta bederatzi hilabete eta urtebete artekoa Lopezentzat eta Aresentzat. =bAlderdien Legea=b Espainiako Alderdien Legea dago akusazio horien atzean. Lege horretan oinarrituta legez kanporatu zuen Batasuna Espainiako Auzitegi Gorenak, 2003an. Alderdiaren jardunak eteteko agindu zuen. Akusazioen ustez, ezker abertzaleko ordezkariek, beste ordezkari batzuekin biltzean, urratu egin zuten agindu hori. Fiskalak ez du zigorrik eskatu. Areago, auzia artxibatzeko eskatu zuen, deliturik ez zegoela esanda.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Harkaitz Millan, urriko prentsaurreko batean. ©BERRIA

Harkaitz Millan Gipuzkoako Kultura diputatuak dimisioa eman du, atxilotua izan ondotik

Uxue Rey Gorraiz

Agintarien kontrako atentatua egitea leporatuta atzeman du Ertzaintzak, Donostiako taberna batean izandako istilu batean. Maria Jose Telleria izanen da haren ordezkoa.

EH Baiko zuzendaritza berria, atzo, Baionan egin zuten ekitaldian. ©BOB EDME

EH Baik lurralde elkargo berezi bat nahi du, Euskal Herri burujabea helburu

Ekhi Erremundegi Beloki

Lehen kongresua egin du ezkerreko abertzaleen mugimenduak, Baionan. 2022-2026 aldirako bide orri politikoa onartu dute
Lore eskaintza egin zioten Zabalzari Altzan, haren muralean. ©JON URBE / FOKU

Madrilek Mikel Zabalza biktima gisa aitor dezala eskatu diote Denis Itxasori

Joxerra Senar

Heriotzaren 37. urteurrenean, omenaldia egin diote Donostiako Altza auzoan. Gaitzetsi dute Espainiako Gobernuak ez duela aldatu jarrera
EH Bilduko koordinatzaile nagusi Arnaldo Otegi, atzo egindako agerraldian. ©JAIZKI FONTANEDA / FOKU

EH Bilduk %75era igo nahi du energia autohornikuntza 2045erako

Xabier Martin

Koalizio abertzaleak ┬źEuskal Herriko eraldaketa ekosozialerako┬╗ bere energia estrategia plazaratu du. Energia berriztagarrien aldeko apustua berretsi du, munduko ┬źklima kaosaren aurrean┬╗

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.