Albistea entzun

euskara

Nafarroako Gobernuak Korrikagatik AEKri ematen dizkion laguntzak eten ditu, "terrorismoa goratzeagatik"

Korrika Iruñetik igaro zenean "ETAko presoen argazkiak eta Segiko ikurrak" ikusi zirela argudiatuz, laguntza guztiak etetea erabaki dute gaur egindako biltzarrean. Gobernua aurten zen euskararen aldeko lasterketa aurreneko aldiz laguntzekoa. Korrika gaur berriro Nafarroan da eta gauerdian Irurtzunera iritsiko da.

Berria -

2009ko martxoak 30
Larunbatean Korrika Iruñetik igaro zenean "terrorismoa goratu" zelako Nafarroako Gobernuak AEKri Korrika antolatzeko ematen dizkion diru laguntzak eten egin ditu. Jarrera horiek dituzten ekintzei ezin dietela diru laguntzarik eman adierazi du Alberto Catalan Gobernuko lehendakariorde eta bozeramaileak: “ETAko presoen argazkiak eta Segiko ikurrak ikusi ziren Iruñean Korrika igaro zenean. Jokaera horrekin nafartarren nahiak gutxiesten dira”. Nafarroako Gobernua aurten zen euskararen aldeko lasterketa aurreneko aldiz laguntzekoa, lehen bider erosia zuelako kilometro bat, bi mila euro ordainduta -Iruñeko kilometroko bat erosi zuen-. Haren jarrera "euskararen bidea oztopatzeko aitzakia" dela uste du AEK-k, eta honek dio bera ez dela erantzule Korrikan ikusten diren ikurrez-eta. AEK-k esan du komunikabideen bidez jakin duela Gobernuaren erabakia. Catalanek adierazi du AEKri euskaltegiak finantzatzeko ematen dizkion diru laguntzekin jarraituko dutela =bKorrikaren bosgarren eguna gaur=b Iparraldea atzean utzi eta Nafarroan ari dira euskararen alde lasterka gaur, Korrikaren bosgarren egunean. Lapurdi zeharkatu dute eta Beran (Nafarroa) sartu dira jada. Besteak beste, Lesaka, Doneztebe, Oronoz eta Elizondotik pasatuko da, eta gauerdian Irurtzunera iritsiko da berriro. Larunbatean ere igaro zen Nafarroatik Korrika. Iparraldean jende ugari bildu dela adierazi dute antolatzaileek; batez ere, Baigorri (Nafarroa Beherea) eta Senpere (Lapurdi) inguruan. Azken horretan, haur ugarik parte hartu dute. Korrikak oraindik hainbat kilometro ditu aurretik. Ostegunean hasi zen, Tuteran (Nafarroa), eta martxa igandean amaituko da, Gasteizen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...