Albistea entzun

politika

Egibar: "Estatuaren apustua zein den ikusita, Otegi ez da urteetan aterako kartzelatik"

Ezker abertzaleko kidea atzera espetxean egotea "denentzat porrota" da, EAJko buruzagiaren iritziz. Espainiako Estatuaren estrategia Lizarra-Garazi garaitik datorrela uste du, "egoera ez zuelako kontrolatzen, eta orduan esan zuen: 'Horrelakorik gehiago ez sekula santan'".

Berria -

2009ko urriak 21
Joseba Egibar Gipuzkoako EAJko presidentearen ustez, Arnaldo Otegi ezker abertzaleko kidea berriz ere kartzelan egotea "denentzat porrota" da. "Eta sentitzen dut hau esatea baina, [Espainiako] Estatuaren apustua zein den ikusita, Otegi ez da urteetan aterako kartzelatik". Euskadi Irratian egin ditu adierazpenok, gaur arratsaldean, =iMezularia=i saioan. Estatuaren apustu hori 1998tik dator, jeltzalearen iritziz, Lizarra-Garazi garaitik, "egoera ez zuelako kontrolatzen, eta orduan esan zuen: 'Horrelakorik gehiago ez sekula santan'". Estatuak abertzaleei "neurria hartuta" diela uste du Egibarrek. Otegi, Rafa Diez eta ezker abertzaleko beste kartzelatuen bezala pentsatzen dutenek "pausoak ematen segitu beharko lukete", Egibarren arabera. "Niretzat, alderdi abertzaleak ez dira arerio. Beste kontu bat da bidea elkarrekin egingo dugun edo ez". ETA dagoen prozesu politikorik ez duela nahi adierazi du. "ETAk politikari bidea eman behar dio, herri honi zorra diola aitortuta".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.