Albistea entzun

Politika

Atristrainen egoera ikusita ofizioko abokatuak uko egin zion Guardia Zibilaren aurreko deklarazioa sinatzeari

Tortura larriak salatu dituzte joan den asteazkenean atxilotutako Atristain eta Besancek; besteak beste, poltsaren ondorioz konortea hainbatetan galdu zutela eta jipoitze eta mehatxuak etengabeak izan zirela.

Berria -

2010eko urriak 6
Xabier Atristrainek Guardia Zibilaren aurrean egin zuen bigarren deklarazioa ez zuen sinatu ofizioko abokatuak. Hala jakinarazi du gaur AAM Amnistiaren Aldeko Mugimenduak, Atristainek berak eta sarekada berean atxilotutako Juan Carlos Besancek salatu dituzten torturen berri ematearekin batera. Hain zuzen ere, Atristrainen egoera zein zen ikusita erabaki zuen ofizioko abokatuak deklarazioa ez sinatzea, eta, halaber, inkomunikazioaren aurka zegoela jakinarazi zuen. Gainerakoan, tortura gogorren lekukotasuna eman dute Atristrainek zein Besancek. Diotenez, atxilotu eta autoan Madrilera zeramatzatela hasi ziren tratu txarrak: ibilgailuan bertan poltsa egin zieten eta Besancek bi aldiz galdu zuen konortea. Polizia etxean ere beste hainbatetan egin zieten poltsa, eta botalarria eta takikardiak eragin zizkioten Atristraini, AAMk dioenez. Gorputza apargomatan bildua behin eta berriz jipoitu dituztela salatu dute biek eta, era berean, haien inguruko pertsonak baliatu dituztela mehatxu egiteko. Hala, Besancek salatu du berarekin batera anaia Jose Luis atxilotu izana presio bide bat izan dela -hiru egunen buruan aske utzi zuten- eta neska-lagunarekin egiten ziotela mehatxu agertu du Atristrainek. Bost eguneko inkomunikazio aldi horren ondoren, begietan arazoak ditu orain Besancek -malkoak isurtzen zaizkio etengabe eta ez du ondo ikusten-, eta Atristrainek azala joana du buruko zati batean. Atxilotu biei ETAko kide izatea leporatzen diete, eta akusazio horren pean baldintzarik gabe espetxeratu zituen Ismael Moreno Espainiako Auzitegi Nazionaleko epaileak. Gaur zortzi atzeman zituzten: Atristrain Usurbilen, Besance Villabonan. Guardia Zibilaren aurrean egindako deklarazioan oinarrituta, epaileak 2008an Venezuelan trebakuntza militarra jaso izana egotzi die, eta Arturo Cubillas Hugo Chavezen gobernuko funtzionari bat nahastu du horretan. Era berean, Kolonbiako FARC gerrillarekin ere nahastu dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Informazio osagarria

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.