Albistea entzun

Hauteskundeen ondorena: Araba

Javier De Andres izendatu dute ahaldun nagusi

Espero bezala joan da bozketa, sorpresarik gabe. De Andres PPko hautagaia izendatu dute ahaldun nagusi, PSE-EEren babesari esker.

Nerea Galvez, Batzar Nagusietan.
Nerea Galvez, Batzar Nagusietan. Juanan Ruiz / Argazki Press

Berria -

2011ko uztailak 7

Bilduri eta PSE-EEri bere hautagaitza babesteko eskatu die EBk, "gobernu aurrerakoia osatzeko". Ez da ezustekorik izan, eta Javier de Andres PPko hautagaia izendatu dute ahaldun nagusi.

Goizeko 09:00etan hasi da gaur Arabako Batzar Nagusietan ahaldun nagusia hautatzeko saioa, eta bozketan ezustekorik ez da izan. Nerea Galvez Ezker Batuaren hautagaiak Ezker Batuaren bi botoak beretzat izango direla aurreratu du, eta botoa eskatu die Bilduri eta PSE-EEri gobernu aurrerakoia osatzeko.

Arratsaldean, beraz, Javier de Andres PPko hautagaia izendatu dute ahaldun nagusi kargurako, PSE-EEren babesarekin. Ezker Batuak atzo erreferendumean erabaki zuen Galvezi ematea Batzar Nagusietan dituzten bi batzarkideen botoak, eta horien babesik gabe Xabier Agirre EAJko hautagaiak ez du nahikoa izan Bildurena.

Ezker Batuko Arabako kideetatik hamarretik zortzik erabaki zuten Agirreri babesa ez ematea atzo. Agirreren ustez, EBk nahita zapuztu ditu negoziazioak, "PPrekin ezkutuko akordioa duelako". EAJ eta EB hainbat egunez aritu dira negoziatzen, baina negoziazioa herenegun blokeatu zen, fiskalitate, ekonomia eta ingurumen arloei zegozkien ataletan.

Aniztasuna foru gobernuetan

Arabako ahaldun nagusiaren aukeraketarekin maiatzaren 22an izan ziren foru hauteskundeetan hasitako hautaketa prozesua itxi da. Bizkaian Jose Luis Bilbao EAJkoak aginduko du, Gipuzkoan Martin Garitano Bildukoak eta Nafarroan Yolanda Barcina UPNkoak, PSNren babesarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...